پەتروپاۆلدا جەكەمەنشىك 300 ءۇي سۇرىلەدى

ولاردىڭ ورنىنا كوپقاباتتى تۇرعىن ۇيلەر سالىنباق، دەپ حابارلايدى قازاقپارات ءتىلشىسى.

قۇرىلىس، ساۋلەت جانە قالا قۇرىلىسى باسقاراماسىنىڭ القا ماجىلىسىندە س ق و اكىمى قۇمار اقساقالوۆ الداعى ۋاقىتتا قالادا 300 ءۇي سۇرىلەتىنىن ايتتى.

«بىزدە جەكە سەكتور بارشىلىق، ياعني 15 مىڭعا تارتا جەكە تۇرعىن ءۇي بار. ولاردىڭ كوبىسى ەسكىرگەن. سوندىقتان بۇل ۇيلەردىڭ ورنىنا كوپقاباتتى ۇيلەر سالۋ كەرەك. 10-15 جەكە تۇرعىن ءۇيدىڭ ورنىنا 10 ەسە ارتىق پاتەر سالامىز. ول جەردە ساۋدا، مەديتسينالىق ءارى ءبىلىم بەرۋ مەكەمەلەرى ورنالاسادى»، - دەدى اقساقالوۆ.

وسى ورايدا ول ەسكى ۇيلەردى ءسۇرىپ تاستاۋ شەشىمدەرىن قابىلداۋ شارالارى اشىق جۇرگىزىلۋى كەرەكتىگىن اتاپ ءوتتى.

«سىبايلاس جەمقورلىققا قارسى كۇرەس قىزمەتىمەن، قوعامداستىق وكىلدەرىمەن، دەپۋتاتتارمەن بىرلەسە ءاربىر ءۇي مەن نىساندى القالى جيىندا قاراستىرۋ كەرەك. بۇل ماسەلەنى جەكە كابينەتتە، ماجىلىستەن تىسقارى تالقىلاۋعا جول بەرمەۋ كەرەك»، - دەدى وبلىس اكىمى.