اقتوبەدەگى كورپە فەستيۆالىندە 300 دەن استام شەبەر قۇراق كورپە تىكتى

اقتوبە. قازاقپارات - «كورپە Fest» فەستيۆالىندە 300 دەن استام قىز-كەلىنشەك، شەبەر قۇراق كورپە تىگۋدىڭ قىر-سىرىن مەڭگەردى، دەپ حابارلايدى قازاقپارات ءتىلشىسى وبلىس اكىمىنىڭ باسپا ءسوز قىزمەتىنە سىلتەمە جاساپ.

ۇلتتىق قولونەردى جاڭعىرتۋعا ارنالعان «كورپە Fest» مەگافەستيۆالى ءوتتى. فەستيۆال كوپبالالى جانە از قامتىلعان ايەلدەردىڭ كاسىپ اشۋىنا مۇمكىندىك بەرەدى. ءبىر مەزەتتە 300 تىگىن ماشيناسىمەن قۇراق قۇراپ، اتاقتى شەبەردەن تەگىن كەڭەس الدى.

«قازاقتىڭ ءتول مادەنيەتى مەن ونەرىن قايتا جاڭعىرتقان ءىس-شاراعا وڭىرىمىزدەن كوپبالالى انالار، اپا- قارىنداستار ات سالىستى. بۇل - كوڭىل قۋانتارلىق جەتىستىك»، - دەدى وبلىس اكىمى وڭداسىن ورازالين.

فەستيۆال اياسىندا ءۇش كۇن بويى سەمينارلار، تىگىن جانە قولدانبالى ونەر بويىنشا شەبەرلىك ساباقتارى ءوتىپ، تىگۋ تەحنولوگياسى كورسەتىلدى. الەۋمەتتىك جەلىلەردە بيزنەستى جۇرگىزۋ جولى ايتىلدى.

ءوڭىر باسشىسى وڭداسىن ورازالين «كورپە Fest» مەگافەستيۆالىنە قاتىسقان قىز-كەلىنشەكتەرگە ارنايى سىيلىق تابىس ەتتى. وبلىس اكىمدىگى اتىنان 35 شەبەرگە تىگىن ماشيناسى، 55 نە «التىن وردا» اۆتورلىق ديزاين ءۇيىنىڭ ۇلتتىق قولونەر تەحنولوگيالارى بويىنشا العاشقى كۋرسىن ءتامامداعانى ءۇشىن سەرتيفيكات بەرىلدى.

وزگە قاتىسۋشىلارعا ماتا مەن ەستەلىك سىيلىقتار بەرىلدى. «كورپە Fest» ساباعىنا قاتىسقاندار ءۇش كۇن ىشىندە 20 كورپە، 120 جاستىق، 200 گە جۋىق شاعىن كورپە ۇلگىسىن دايىنداپ، كورمەگە قويدى.