اسەت يسەكەشەۆ 300 استانالىققا پاتەر كىلتىن تابىس ەتتى
جاڭا قونىس يەلەرىن قۇتتىقتاعان اسەت يسەكەشەۆ استانادا حالىقتىڭ بارلىق توبىنا ارنالعان باسپاناعا قولجەتىمدىلىكتىڭ ارتىپ كەلە جاتقانىن ايتتى.
«بۇگىنگى وقيعا - ءبىزدىڭ بارلىق كەزەكتەگىلەر ءۇشىن ۇلكەن قۋانىش. جاڭا پاتەر سىزدەردىڭ وتباسىلارىڭىزعا يگىلىك پەن بەرەكە، قۋانىشتى ساتتەردى كوپتەپ الىپ كەلسىن. سىزدەردى ەكى مەرەكە: جاڭا قونىستارىڭىزبەن جانە استانانىڭ مەرەيتويىمەن قۇتتىقتايمىن»، - دەدى اسەت يسەكەشەۆ.
فەريزات تاسماعامبەتوۆا ارمانداعان ءۇش بولمەلى پاتەرىن ۇزاق جىلدار كۇتتى. بۇگىنگە دەيىن ول وتباسىمەن جالعا بەرىلەتىن پاتەردە تۇرىپ كەلگەن.
«ۋاقىت دەگەن تەز وتەدى ەكەن، مەن ءدال مەرەكە قارساڭىندا - استانا كۇنىندە كىلتتى اكىمنىڭ ءوز قولىنان الامىن دەپ ويلاعان دا جوقپىن. قۋانىشىمدا شەك جوق. بارلىق قازاقستاندىقتارعا ءوزىنىڭ باسپاناسى بولىپ، باقىتتى ءومىر ءسۇرۋىن تىلەيمىن»، - دەدى جاڭا قونىس يەسى.
جاڭا تۇرعىن ءۇي كەشەنىنە 300 وتباسى قونىس تەبەدى. 328 پاتەرلى كوپقاباتتى كەشەن «نۇرلى جەر» تۇرعىن ءۇي قۇرىلىس باعدارلاماسىن ىسكە اسىرۋ شەڭبەرىندە سالىنىپ، پايدالانۋعا بەرىلدى. سالتاناتتى شارادان كەيىن استانا اكىمى بىرنەشە پاتەرگە كىرىپ شىعىپ، جاڭا قونىس يەلەرىن قۇتتىقتادى.
استانانىڭ سول جاعالاۋىنا سالىنعان ءۇي ناجىمەدەنوۆ داڭعىلى مەن بايتۇرسىنوۆ كوشەسىندەگى ىڭعايلى ترانسپورت جولايىرىعىمەن شەكتەسىپ جاتىر. جاقىن ماڭايدا استانانىڭ ۇلتتىق مۋزەي، بەيبىتشىلىك پەن كەلىسىم سارايى، «ازىرەت سۇلتان» مەشىتى سياقتى مادەني نىساندار ورنالاسقان.
قازىرگى تاڭدا تۇرعىن ءۇي سالاسىنداعى احۋال مەملەكەت باسشىسىنىڭ بەس الەۋمەتتىك باستاماسى بويىنشا قوسىمشا مەحانيزمدەر مەن قۇرىلىستىڭ قارقىنىن ەسەپكە العاندا، ايتارلىقتاي جاقسارىپ كەلەدى.
ەستەرىڭىزگە سالا كەتەيىك، جۋىردا ر. قوشقاربايەۆ 39 داڭعىلىندا سالىنعان ءۇيدىڭ يەلەرى دە اكىمنىڭ قولىنان پاتەر كىلتىن العان بولاتىن.
وسى جىلى 1000 پاتەردەن استام جالپى الاڭى 60,58 مىڭ شارشى مەتردى قۇرايتىن 6 كوپ قاباتتى ۇيلەر پايدالانۋعا بەرىلەدى دەپ جوسپارلانۋدا.
