ەرتىس وڭىرىنە وڭتۇستىكتەن 300 دەن استام ادام كوشىپ كەلدى

پاۆلودار. قازاقپارات - ەرتىس وڭىرىنە ەلىمىزدىڭ وڭتۇستىك ايماقتارىنان 75 وتباسى قونىس اۋدارعان.
None
None

بۇل تۋرالى وبلىستىق اكىمدىكتە وتكەن كەڭەيتىلگەن وتىرىستا وڭىرلىك جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى قايرات نۇرماعامبەتوۆ ايتتى، دەپ حابارلايدى pavlodarnews.kz.

«بۇگىنگى تاڭدا قونىس اۋدارعانداردىڭ سانى 335 ادامعا جەتتى. دەگەنمەن، بۇل باعىتتا كەيبىر اۋداندار دۇرىس جۇمىس جاساماي وتىر. مىسالى، ماي اۋدانىنا بىردە-ءبىر وتباسى قونىس اۋدارماعان. شارباقتى اۋدانىندا ءۇش وتباسى، جەلەزين اۋدانىنا ءبىر وتباسى عانا كەلدى. سوندىقتان اۋداندار مەن قالالاردىڭ اكىمدەرىنە سول جاقتا ءتۇسىندىرۋ جۇمىستارىن جۇرگىزۋدى ۇسىنامىن. سەبەبى، اكىمدەردىڭ وزدەرى بارعان جاعدايدا ناتيجەسى جاقسى بولار ەدى»، - دەدى قايرات نۇرماعامبەتوۆ.

باسقارما باسشىسىنىڭ مۇنداي ۇسىنىسىنا وبلىس اكىمى بولات باقاۋوۆ بۇعان تەك اكىمدەر عانا ەمەس، دەنساۋلىق ساقتاۋ سالاسىنىڭ وكىلدەرى مەن باس دارىگەرلەر دە اتسالىسۋى ءتيىس ەكەنىن اتاپ ءوتتى. «جارتى جىلدىق بويىنشا ەسەپتەرىڭىزدى تىڭدايتىن بولامىن»، - دەدى بولات باقاۋوۆ.

- بۇگىندە 256 بوس جۇمىس ورىنى تۇر. سول ءۇشىن جاۋاپ بەرەسىزدەر. ءبىر جارىم ايدىڭ ىشىندە وسى باعىتتا جۇمىستى رەتتەۋدى تاپسىرامىن. قازىرگى كۇنى كوكتەمگى دالا جۇمىستارىنا مەحانيزاتورلار جەتپەيدى. سوندىقتان قونىس اۋدارۋشىلاردى وتباسىلارمەن بىرگە شاقىرۋ كەرەك».

ەسكە سالا كەتەيىك، 2017-2021 -جىلدارعا ارنالعان «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى اياسىندا ۇكىمەت تاراپىنان كوشىپ كەلگەن ادامدارعا 35 اەك كولەمىندە بىررەتتىك تولەماقى بەكىتىلگەن جانە 12 ايدىڭ ىشىندە باسپانا جالداپ تۇرۋعا قاراجات بولىنەدى. ءۇي ساتىپ الۋعا نيەت بىلدىرگەندەرگە كەلىسىمشارت نەگىزىندە شاعىن سۋبسيديا، الەۋمەتتىك سالا قىزمەتكەرلەرىنە ارەندالىق ءۇي ۇسىنىلادى.

ورالماندار مەن ىشكى قونىس اۋدارۋشىلارعا بولىنەتىن كۆوتا سانى بيىلعى جىلعا 460 وتباسىنا دەيىن ەسەلەنگەن. بۇل شامامەن 1800-دەن استام ادام. بەس جىلدىڭ ىشىندە پاۆلودار وبلىسىنا جۇمىس كۇشى ارتىق وڭىرلەردەن 15000-نان استام وتباسىن كوشىرۋ جوسپارلانىپ وتىر.

 

سوڭعى جاڭالىقتار