قاشاعانداعى مۇناي ءوندىرۋ كولەمى تاۋلىگىنە 300 مىڭ باررەلگە جەتتى
بۇل تۋرالى اتىراۋ وبلىسىنىڭ اكىمى نۇرلان نوعايەۆتىڭ قاشاعان كەنىشىن يگەرۋگە قاتىسۋشىلاردىڭ ءبىرى، يتاليالىق ENI كومپانياسىنىڭ توپ- مەنەدجەرلەرىمەن كەزدەسۋى بارىسىندا ءمالىم بولدى.
«استانادا ءبىز ەنەرگەتيكا مينيسترىمەن كەزدەسىپ، الداعى ۋاقىتتا قاشاعان كەنىشىندە اتقارلۋى ءتيىس جۇمىستاردىڭ جوسپارىن تالقىلادىق. قازىرگى تاڭدا يگەرۋ شارالارى جوسپارعا ساي ءجۇرىپ جاتىر. قاشاعانداعى تاۋلىك بويىنا يگەرىلەتىن كولەم تاۋلىگىنە 300 مىڭ باررەلگە جەتتى. ىلەسپە گازدى جاعۋ ءۇشىن الەمدەگى الدىڭعى قاتارلى تەحنولوگيالار قولدانىلۋدا»، - دەدى ENI كومپانياسىنىڭ بارلاۋ جونىندەگى وپەراتسيالىق ديرەكتورى انتونيو ۆەللا.
ونىڭ سوزىنشە، قازىرگى تاڭدا كەنىشتە مۇناي ءوندىرۋ شارالارىن جەتىلدىرۋ باعىتىنداعى جۇمىستار قولعا الىنۋدا.
«ەڭ باستىسى كەنىشتى يگەرۋ بارىسىندا جوبانىڭ ەكولوگيالىق قۇرامى مەن قازاقستان رەسپۋبليكاسىنىڭ تابيعاتتى قورعاۋ زاڭدارىن ساقتاۋ كەرەك. سونىمەن قاتار تاۋارلار مەن قىزمەتتەردى كورسەتۋ بارىسىندا جەرگىلىكتى قامتۋدى نازارعا الىپ، جەرگىلىكتى كادرالاردى جۇمىسپەن قامتۋدى ەستە ۇستاعان ءجون»، - دەدى ن. نوعايەۆ.
ايتا كەتەيىك، وسىعان دەيىن 2018 -جىلى قاشاعان كەنىشىندە 10 ميلليون توننا مۇناي ءوندىرىلۋ قاجەتتىگى تۋرالى ايتىلعان بولاتىن. بيىلعى جىلدىڭ سوڭىنا دەيىن تاۋلىگىنە 370 مىڭ باررەلگە دەيىن مۇناي ءوندىرۋ كوزدەلىپ وتىر.
ايدار وسپاناليەۆ
