وڭتۇستىك قازاقستاننىڭ 300 ازاماتىن اقمولالىق كومپانيا جۇمىسقا قابىلدايتىن بولدى
مۇنداي كەلىسىمگە وبلىس اكىمىنىڭ ورىنباسارى ەربول سادىر مەن اتالعان كومپانيانىڭ باسقارۋشى ديرەكتورى ايدار جاقىپوۆپەن بولعان ەكىجاقتى مەموراندۋم اياسىندا قول جەتكىزىلدى.
مەموراندۋم اياسىندا زاۋىت باسشىسى ايدار جاقىپوۆ وبلىستان باراتىن 300-گە جۋىق ازاماتتى جۇمىسپەن قامتىپ قانا قويماي، باسپانا ماسەلەسىن شەشۋگە كومەكتەسەتىنىن اتاپ ءوتتى. بۇل شارالار ەڭبەك كۇشى ايتارلىقتاي ارتىق وڭتۇستىكتەن جۇمىس قولىنىڭ تاپشىلىعى سەزىلەتىن اقمولا وبلىسىنا تۇرعىنداردى قونىستاندىرۋ ماقساتىندا جاسالىپ وتىر.
ەستەرىڭىزگە سالساق، وتكەن اپتادا اقمولا وبلىسىنىڭ اكىمى مالىك مىرزالين وڭتۇستىك قازاقستان وبلىسىنا جاساعان ساپارى اياسىندا پوليەتيلەن قاپتارىن شىعاراتىن «نوۆوپەك» زاۋىتى مەن باسقا دا وندىرىستىك كاسىپورىنداردا جۇمىس كۇشىنىڭ تاپشىلىعى بايقالاتىنىن اتاپ وتكەن بولاتىن. وسىنىڭ نەگىزىندە شىمكەنت پەن كوكشەتاۋ قالاسى اراسىنداعى بايلانىستى نىعايتۋ ماقساتىندا ءبىرقاتار كومپانيالار مەن وڭتۇستىكتەگى مەملەكەتتىك مەكەمەلەر اراسىندا ەكىجاقتى كەلىسىمدەر جاسالدى.
اۆتور: اينۇر اقبايەۆا
