ساراپشىلار: بيىل قازاقستاندا دوللار 300 تەڭگەگە دەيىن قۇلدىرايدى
كەي اناليتيك بۇعان دونالد ترامپتىڭ ءوز سەپتىگىن تيگىزۋى مۇمكىن ەكەنىن ايتىپ وتىر، - دەپ حابارلايدى «ك ت ك» ارناسى.
تەڭگە بىردە قىمباتتاپ، بىردە قۇلدىراپ جاتىر. جۋىردا مۇناي باعاسى كوتەرىلۋى مۇمكىن. مامانداردىڭ ايتۋىنشا، ترامپ ءوز سوزىندە تۇرسا، ول مىندەتتى تۇردە قىمباتتايدى. ال پرەزيدەنتتىڭ ءوز ۋادەسىن ورىنداپ كەلە جاتقانىنا حالىقارالىق ۆاليۋتا قورى دالەل.
«بولجامدارعا سايكەس، 2017-جىلى ەكونوميكامىز %2,5 عا، 2021-جىلى %4 عا وسپەك. بۇل مۇناي قورىمەن، رەفورمالارمەن جانە بانكتەگى نەسيەلەرمەن تىكەلەي بايلانىستى»، - دەپ مالىمدەدى حالىقارالىق ۆاليۋتا قورىنىڭ وكىلدەرى.
ازىرگە اقشا ايىرباستاۋ ورىندارىندا ءبىر دوللاردىڭ قۇنى - 323 تەڭگە. «جىلدىق رەت بويىنشا 60 بولماق. كەيدە ءبىر باررەلگە 65-70 دوللار بەرىلۋى مۇمكىن. Brent ماركالى مۇنايدىڭ باعاسى وتكەن جىلعا قاراعاندا، %20-25 عا وسكەن. مۇندايدا تەڭگەنىڭ قۇنىنىڭ وسەتىنى انىق. ءبىزدىڭ ويىمىزشا، بيىل ءبىر دوللار 300 تەڭگەنى قۇراۋى دا مۇمكىن. بۇل ءتىپتى جىلدىڭ العاشقى جارتىسىندا جۇزەگە اسادى دەگەن بولجام بار»، - دەيدى Forex Club اناليتيكا ءبولىمىنىڭ جەتەكشىسى نيكولاي يۆچەنكو.
