قىتايلىق كلۋب رونالدۋ ءۇشىن 300 ميلليون ەۋرو ۇسىندى

استانا. قازاقپارات - قىتاي فۋتبول كلۋبى مادريدتىق «رەالدىڭ» شابۋىلشىسى كريشتيانۋ رونالدۋنى وزىنە اۋىستىرىپ الۋ ءۇشىن 300 ميلليون ەۋرو ۇسىندى، دەپ حابارلايدى قازاقپارات Lenta.ru-عا سىلتەمە جاساپ.

«مادريدتىكتەرگە ترانسفەر ءۇشىن 300 ميلليون ەۋرو ۇسىنىلدى، ال رونالدۋنىڭ وزىنە جىلىنا 100 ميلليون ەۋرودان استام جالاقى تولەمەك. ءبىراق اقشا - ەڭ ماڭىزدىسى ەمەس قوي. «رەال» - بۇل ونىڭ ءومىرى»، - دەپ اتاپ ءوتتى فورۆاردتىڭ اگەنتى جورجە مەندەش Sky Sport-قا.

يسپاندىق ب ا ق- تىڭ مالىمەتىنشە، مادريدتە رونالدۋ اپتاسىنا 427 مىڭ ەۋرو تابىس تابادى. ونىمەن ءبىر مەزگىلدە، ول الەمدەگى جالاقىسى ەڭ جوعارى فۋتبولشى بولىپ تابىلمايدى.

ەڭ ۇلكەن جالاقىعا قىتايلىق «حەبەي فورچۋن» كومانداسىنىڭ ارگەنتينالىق فورۆاردى ەسەكيەل لاۆەسسي (اپتاسىنا 577 مىڭ ەۋرو) يە.

12- جەلتوقسان كۇنى رونالدۋ 2016-جىلدىڭ قورىتىندىسى بويىنشا «التىن دوپتىڭ» يەگەرى اتانعان بولاتىن. بۇل «التىن دوپ» ونىڭ مانسابىنداعى ءتورتىنشىسى (2008، 2013، 2014، 2016).