20:36, 29 - جەلتوقسان 2016 | GMT +5
شاردجاداعى 300 قازاقستاندىق ۇشا الماي جاتىر
استانا. قازاقپارات - اۋا رايىنىڭ قولايسىزدىعى سالدارىنان بىرىككەن اراب امىرلىكتەرىنىڭ شاردجا اۋەجايىندا الماتىعا، استاناعا رەيستەردى كەيىنگە قالدىردى.
بۇل تۋرالى ق ر ي د م تۋريزم يندۋسترياسى دەپارتامەنتىنىڭ ديرەكتورى مارات يعاليەۆ ءمالىم ەتتى، دەپ حابارلادى «قازاقپارات» ح ا ا.
«اۋا رايىنىڭ ناشارلاۋىنا بايلانىستى (تۇمان) شاردجا قالاسىنىڭ اۋەجايىندا اۆيارەيستەردىڭ ۇشىرىلىمىن كەيىنگە قالدىرۋدا. «ەير ارابيا» اۆياكومپانياسىنىڭ دەرەكتەرىنە سايكەس بۇگىن شاردجادان ەكى رەيس ۇشۋى قاجەت بولاتىن: الماتىعا (160 ادام) جانە استاناعا (140 ادام) رەيستەر كەيىنگە قالدىرىلدى»، - دەپ جازدى Facebook-تاعى پاراقشاسىنا يعاليەۆ.
ق ر س ءى م كونسۋلدىق قىزمەت دەپارتامەنتىنىڭ حابارلاماسىنا سايكەس شاردجا اۋەجايىندا دۋبايداعى ق ر كونسۋلدىعىنىڭ قىزمەتكەرلەرى تۇراقتى جۇمىس جۇرگىزۋدە.
تۋريزم يندۋسترياسى دەپارتامەنتى دۋبايداعى ق ر كونسۋلدىعىمەن تۇراقتى بايلانىستا، - دەپ اتاپ ءوتتى ول.
