الماتىدا قالا جولدارىنداعى كوكتايعاقتى بولدىرماۋ ءۇشىن 300 توننا قوسپا سەبىلدى

الماتى. قازاقپارات - الماتىدا اۋا تەمپەراتۋراسىنىڭ 0,- 2؛ تومەندەۋىنە بايلانىستى، قالانىڭ ورتالىق جانە سولتۇستىك بولىگىنە، سونىمەن قاتار، تاۋلى جانە تاۋ شاتقالىنداعى اۋداندارىندا تۇنگى 26 -قازان كۇنى 1 دەن باستاپ، كوشەلەردە تايعاققا قارسى ماتەريالدار سەبىلدى، دەپ حابارلايدى قازاقپارات الماتى قالاسى تابيعي رەسۋرستار جانە تابيعاتتى پايدالانۋدى رەتتەۋ باسقارماسىنا سىلتەمە جاساپ.

باسقارمانىڭ حابارلاۋىنشا، قار تازالاۋعا جانە مۇز قاتۋىن بولدىرماۋعا 127 تەحنيكا مەن 300 توننا كوكتايعاققا قارسى قوسپا پايدالانىلعان. باسقارماداعىلاردىڭ ايتۋىنشا، الماتىدا جول بەتىن رەتكە كەلتىرۋگە بىلتىرعى قىستان بەرى يننوۆاتسيالىق تەحنولوگيا قولدانىلىپ كەلەدى.

بۇعان دەيىن اتالعان ۆەدومستۆو قىسقا دايىن ەكەنىن جەتكىزگەن. قىستا قار تازالاۋ جۇمىستارىمەن 15 مەردىگەر مەكەمەلەر مەن «الماتى تازالىق» مەملەكەتتىك كوممۋنالدىق مەكەمەسى اينالىسادى. قالانىڭ 7 اۋدانىنىڭ 60 پايىزىن تازالاۋ اتالعان مەملەكەتتىك كوممۋنالدىق مەكەمەنىڭ ەنشىسىندە. وندا بارلىعى 967 ارنايى تەحنيكا بار. جول جۇمىستارىنا بارلىعى 1600 ادام تارتىلعان.

اۆتور: الماس مۇقاش ۇلى