دۇنيەجۇزى بويىنشا 300 مىڭعا تارتا ادام «يادرولىق قارۋسىز الەم» پەتيتسياسىنا قول قويدى - فوتو

استانا. قازاقپارات - قازاقستاندىق سۋرەتشى جانە انتيادرولىق قوزعالىستىڭ بەلسەندىسى، سەمەي پوليگونىنىڭ زاردابىن تارتقان كارىپبەك كۇيىكوۆ «يادرولىق قارۋسىز الەم» جوباسىن قالاي قولداۋعا بولاتىنىن ايتىپ بەردى.
None
None

«قازىرگى ۋاقىتتا ءبىزدىڭ پەتيتسياعا 100 دەن استام مەملەكەتتەن 300 مىڭعا تارتا ادام قوسىلعان. مەنىڭ ماقساتىم - كەيبىر ەلدەردىڭ يادرولىق قارۋ جاساۋعا جۇمسايتىن ميللياردتاعان دوللارلارىنا قارسى 1 ميلليون ادامنىڭ داۋىسىن جيناۋ. الەمدە يادرولىق قارۋدىڭ سىناعىن توقتاتۋ تۋرالى كەز كەلگەن ۇندەۋدى ەلەمەيتىن مەملەكەتتەر ءالى دە بار. ول جاسىرىن ەمەس»، - دەدى ك. كۇيىكوۆ استانادا «يادرولىق قارۋسىز الەم» اتتى دوڭگەلەك ۇستەلدە.

ايتا كەتۋ كەرەك، «يادرولىق قارۋسىز الەم» ونلاين- پەتيتسياعا https://www.theatomproject.org/ru/ ارنايى سايتىندا داۋىس بەرۋگە بولادى.

 اتوم جوباسى يادرولىق قارۋ سىناقتارىن مۇلدە توقتاتىپ، راديواكتيۆتىك ماتەريالداردىڭ بوتەن قولعا تۇسپەۋىنە، ونىڭ قورعاۋىن قامتاماسىز ەتىپ الەمنىڭ بارلىق قوعامداستىقتارىنىڭ نازارىن اۋدارۋىنا ۇمتىلۋدا.

«قازاقستان - يادرولىق قارۋدان باس تارتقان العاشقى مەملەكەت. بۇل وزگە ەلدەرگە ابىرويلى ۇلگى بولا الادى. ءبىز ءوزىنىڭ جارلىعىمەن سەمەي پوليگونىن جاپقان پرەزيدەنتتىڭ وسىناۋ باتىل شەشىمىن ءارقاشان جادىمىزدا ۇستايمىز. مەنىڭشە، بۇل قازاقستان تاۋەلسىزدىگىن نىعايتقان العاشقى ءىرى قادامداردىڭ ءبىرى»، - دەپ جالعاستىردى سۋرەتشى.

«ارتقا كوز تاستاپ قارايتىن بولساق، «نەۆادا- سەمەي» حالىقارالىق قوزعالىسىنىڭ ارقاسىندا بارشا الەم ءبىزدىڭ سەمەي پوليگونىندا بولعان وقيعالاردى ءبىلدى. ءبىز بىرىكسەك، يادرولىق سىناقتاردى بارلىق الەم بويىنشا توقتاتا الامىز»، - دەپ ءتۇيدى ءسوزىن ك. كۇيىكوۆ.

كارىپبەك وسىدان 47 جىل بۇرىن كەڭەس بيلىگى 450 دەن استام جارىلىس جاساعان سىناق الاڭىنا تاقاۋ ەگىندىبۇلاق اتتى كىشكەنە عانا اۋىلدا تۋعان. اتا- اناسىنىڭ راديوبەلسەندى ساۋلەلەردىڭ اسەرىنە ۇشىراۋى سەبەپتى ول دۇنيەگە قولسىز كەلدى.

كارىپبەك باسىنان كوپ قيىنشىلىق وتكەرىپ، يادرولىق قارۋعا قارسى قوزعالىس قۇردى، وسى تاقىرىپتا سالعان سۋرەتتەرى الەمگە تاراپ كەتتى. بۇگىندە، كارىپبەك يادرولىق سىناقتاردان زارداپ شەككەن قۇربانداردىڭ پورترەتتەرىن ءجيى سالادى جانە ونىڭ سۋرەتتەرى گەرمانيا، جاپونيا جانە ا ق ش گالەرەيالارىندا قويىلعان. سونىمەن قاتار اتوم جوباسىنىڭ قۇرمەتتى ەلشىسى رەتىندە ءتۇرلى يادرولىق كونفەرەنسيالار مەن ءىس- شارالارعا قاتىسادى. مىسالى، بىرىككەن ۇلتتار ۇيىمى جانە ا ق ش كونگرەسى شەڭبەرىندە وتكەن كونفەرەنسيالارعا قاتىسىپ، بايانداما جاسادى.

 null null null null null null null 

اۆتور: جاسۇلان جولدىبايەۆ

سوڭعى جاڭالىقتار