08:11, 21 - مامىر 2016 | GMT +5
ا ق ش- تا 300 جۇكتى ايەل زيكا بەزگەگىن جۇقتىرعان
استانا. قازاقپارات - ا ق ش- تا 300 جۇكتى ايەل زيكا بەزگەگىن جۇقتىرعان.
بۇنداي دەرەكتى وسى ەلدىڭ اۋرۋلاردىڭ الدىن الۋ جانە باقىلاۋ ورتالىعى تاراتتى، دەپ جازادى bbc.
بۇعان دەيىن 157 ايەل وسى دەرتتى جۇقتىرعانى ءمالىم ەدى. ەندى تاعى 122 جۇكتى ايەلدىڭ وسى دەرتكە دۋشار بولعانى انىقتالدى.
زيكا بەزگەگى ەڭ اۋەلى جۇكتى ايەلدەر ءۇشىن وتە قاۋىپتى. سەبەبى ول نارەستەنىڭ بويىنتا ءتۋابىتتى اۋىتقۋشىلىقتاردى قالىپتاستىرۋى مۇمكىن. سونىڭ ىشىندە ميكروتسەفاليا سىندى اتى جامان دەرت تە بار.
بىلتىر برازيليادا 1000 عا جۋىق بالانىڭ ميى قالىپتى مولشەردەن كىشى بولىپ تۋعان.
د د س ۇ جۋىردا زيكا بەزگەگى وسى جازدا ەۋروپاعا دا تاراۋى مۇمكىن ەكەندىگىن حابارلاعان.
بۇعان دەيىن اتالعان دەنساۋلىق ۇيىمى زيكا بۇكىل الەمگە قاۋىپ ءتوندىرىپ تۇرعان ىندەت ەكەنىن، وعان قارسى ۆاكسينا ءالى تابىلماعانىن جاريالاعان.
