قازاقستان سۋ سالاسىن دامىتۋ ءۇشىن يسلام دامۋ بانكىنەن 300 ميللون دوللار قارجى الادى

 استانا. قازاقپارات - ەلوردادا وتكەن ازىق- تۇلىك قاۋىپسىزدىگى جونىندەگى يسلام ۇيىمى باس اسسامبلەياسىنىڭ قۇرىلتايشى سەسسياسى بارىسىندا سۋ شارۋاشىلىعى سالاسىنداعى ەكى جوبانى ىسكە اسىرۋ ءۇشىن مەملەكەتتىڭ كەپىلدىگىمەن يسلام دامۋ بانكىنەن قارجى تارتۋ تۋرالى كەلىسىمگە قول قويىلدى.

 قۇجاتتى ق ر اۋىل شارۋاشىلىعى ءمينيسترى اسىلجان مامىتبەكوۆ پەن يسلام دامۋ بانكى پرەزيدەنتى احماد موحامەد ءالي ءال- ماداني راسىمدەدى. 

 بۇل جوبالار اۋىلدىق ەلدى ەكەندەردى اۋىز سۋمەن قامتاماسىز ەتۋدى جاقسارتۋعا جانە جەرلەردى ىلعالداندىرۋ جۇيەسىن قالپىنا كەلتىرۋگە باعىتتالادى. اتاپ ايتقاندا، الماتى وبلىسىنىڭ ەڭبەكشى جانە قاراساي اۋداندارىن سۋمەن جابدىقتاۋدى جاقسارتۋ جوباسىن جۇزەگە اسىرۋ اياسىندا 15 اۋىلدىق ەلدى مەكەندەردە جالپى ۇزىندىعى 680 شاقىرىم، ونىڭ ىشىندە 234 شاقىرىمى تارتىلعان قۇبىرلار جانە 446 شاقىرىم سۋ جابدىقتاۋ جۇيەسى، سونىمەن قاتار قۋاتتىلىعى كۇنىنە 18,3 تەكشە مەتر سۋ تازالاۋ ستانساسىن سالۋ جانە قولدانىستاعى 6 قۇرعاتۋ كارىزىن قالپىنا كەلتىرۋ جوسپارلانعان. بولىنەتىن قارجى سوماسى - 75,3 ميلليون دوللار.

اۆتور :   مارلان جيەمباي