بيىل تالدىقورعاندا 300 ورىندىق اۋرۋحانا اشىلادى

استانا. قازاقپارات - بۇگىن الماتى وبلىسىنداعى دەنساۋلىق ساقتاۋ باسقارماسىنىڭ حالىققا كورسەتىلەتىن مەديتسينالىق قىزمەتتىڭ دەڭگەيىن جانە ساپاسىن ارتتىرۋ جۇمىسىنا قاتىستى وبلىس اكىمى اماندىق باتالوۆ قاتىسقان وتىرىس وتكىزىلدى.

بۇل تۋرالى وبلىس اكىمدىگىنىڭ باسپا ءسوز قىزمەتى حابارلادى.

وسى ماسەلەگە وراي وبلىس اكىمىنىڭ ورىنباسارى باقتيار ونەربايەۆ بايانداما جاسادى. ونىڭ ايتۋىنشا، وبلىستا 829 ەمدەۋ-پروفيلاكتيكالىق مەكەمە مەديتسينالىق قىزمەت كورسەتەدى، سونىڭ %81  ءى مەملەكەتتىك، %19,9 ءى جەكەمەنشىك مەكەمەلەر.

مەملەكەتتىك-جەكە مەنشىك ارىپتەستىك نەگىزىندە «نۇر-اۆيتسەنۋم» مەديتسينالىق ورتالىعىندا ديابەت ورتالىعى اشىلدى.

2016-جىلدىڭ ءبىرىنشى جارتى جىلدىعىندا تالدىقورعان قالاسىندا 300 توسەكتىك كوپ سالالى كلينيكالىق اۋرۋحانانى اشۋ جوسپارلانىپ وتىر.

ب. ونەربايەۆ دەنساۋلىق ساقتاۋ سالاسىنداعى كادر جەتىسپەۋشىلىگى، انا مەن بالا ولىمىنە جول بەرۋ فاكتىلەرىنىڭ بولۋى سياقتى ءبىرقاتار كەمشىلىكتەرگە توقتالىپ ءوتتى.

وبلىس اكىمى ا. باتالوۆ مەديتسينا سالاسىنا جاڭاشىلدىق قاجەتتىگىن، يننوۆاتسيامەن جۇمىس ىستەپ، قىزمەت كورسەتۋ ساپاسى جاقسارتۋ كەرەكتىگىن ەسكەرتتى.