قاراعاندى وبلىسىندا الماتى-ەكاتەرينبور كۇرەجولىندا 300 ادام قاۋىپسىز جەرگە شىعارىلدى - فوتو
«الماتى-ەكاتەرينبور» اۆتوجولىنىڭ «قاراعاندى-اقسۋ-ايۋلى» ۋچاسكەسىندە كۇردەلى مەتەورولوگيالىق جاعدايلارعا بايلانىستى (بۇرقاسىن، كۇشتى جەل، كوكتايعاق) قاراعاندى جانە الماتى باعىتىندا جول تارتقان جۇك جانە جەڭىل كولىكتەر جانە جولاۋشىلار اۆتوكولىكتەرى كوپتەپ جينالىپ قالدى. قازىرگى كەزدە وبلىس ت ج د بولىمشەلەرىنىڭ، جەرگىلىكتى اتقارۋشى ورگانداردىڭ، جول قىزمەتتەرىنىڭ كۇشتەرىمەن جولداردى تازالاۋ جانە ادامداردى قار قۇرساۋىنان شىعارۋ جۇمىستارى جۇرگىزىلۋدە»، - دەلىنگەن حابارلامادا.
ۆەدومستۆونىڭ اقپاراتى بويىنشا، بۇل جۇمىستارعا 70 تەن استام ادام جانە 100 گە تارتا تەحنيكا تارتىلعان.
«تەحنيكا جينالىپ قالعان جەردە قاراعاندى اكىمدىگى قار قۇرساۋىندا قالعان ادامدارعا تاماق ۇيىمداستىردى. قازىرگى كەزدە 300 ادام قاۋىپسىز جەرگە شىعارىلدى، 100 بىرلىك تەحنيكا قار قۇرساۋىنان بوساتىلدى»، - دەپ اتاپ وتىلگەن حابارلامادا.
بالقاشتان قاراعاندىعا قاراي كولىكتىڭ بارلىق تۇرلەرى ءۇشىن جول اشىلدى.
«اۋا رايىنىڭ ناشارلاۋىنا، كورىنىمنىڭ ناشار بولۋىنا، بۇرقاسىنعا، كۇشتى قار جاۋۋىنا بايلانىستى قاراعاندى وبلىسىندا نەگىزگى باعىتتارداعى جولداردا اۆتوكولىك قوزعالىسىنا شەكتەۋ قويىلدى»، دەپ ءمالىم ەتتى ت ج د باسپا ءسوز قىزمەتى.
