الماتى پوليتسياسى جەلتوقساندا 300 دەن استام اۆتوكولىكتىڭ تۇمشالاعىشىن الىپ تاستادى
بۇل تۋرالى بۇگىن الماتى ق. ءى ءى د باسپا ءسوز قىزمەتى حابارلادى.
پوليتسيا قىزمەتكەرلەرى بۇل شارانى قالادا جول قاۋىپسىزدىگىنە كەرى اسەر ەتەتىن ورەسكەل زاڭسىزدىق ارەكەتتەردى انىقتاۋ ماقساتىندا جۇرگىزىلگەن رەيدتەر بارىسىندا جۇزەگە اسىردى.
«جول قوزعالىسى ەرەجەسىنىڭ قاراپايىم نورمالارىن ەلەمەۋ، تۇپتەپ كەلگەندە جول- كولىك اپاتتارىنىڭ كوبەيۋىنە اكەپ سوعادى. وكىنىشكە قاراي، كەيدە قايعىلى وقيعالار ورىن الىپ جاتادى. اعىمداعى ايدىڭ باسىنان بەرى جول- پاترۋلدىك پوليتسيا قىزمەتكەرلەرى قالا كوشەلەرىنەن مەملەكەتتىك تىركەۋ ءنومىرى جوق 150 اۆتوكولىكتى توقتاتتى. سونداي-اق، تاعى 120 جاعدايدا جۇرگىزۋشىلەردىڭ جۇرگىزۋشى كۋالىگى جانە باسقا دا قۇجاتتارى بولماعان. ودان باسقا، اۆتوكولىكتەرىنىڭ اينەكتەرىن ارنايى پلەنكامەن تۇمشالاپ العان 300 جۇرگىزۋشى اكىمشىلىك جاۋاپكەرشىلىككە تارتىلدى. تەك قانا وتكەن ءبىر تاۋلىك ىشىندە ءدال وسىنداي 53 دەرەك تىركەلدى. ءتيىستى شارانى قولدانۋ ناتيجەسىندە اتالعان قۇقىقبۇزۋشىلارعا قاتىستى اكىمشىلىك ءىس قوزعالدى»، - دەدى الماتى ق. ءى ءى د اكىمشىلىك پوليتسيا باسقارماسىنىڭ باستىعى، پوليتسيا پولكوۆنيگى جاندوس مۇراتاليەۆ.
سونىمەن قاتار، ول وسى جەلتوقسان ايىنىڭ ىشىندە 112 ماس جۇرگىزۋشىنىڭ اۆتوكولىك قۇرالىن باسقارۋ قۇقىعىنان ايىرىلۋ تۇرىندە اكىمشىلىك جاۋاپكەرشىلىككە تارتىلعاندىعىن جەتكىزدى.
ءى ءى د دەرەكتەرى بويىنشا، اۆتوكولىك جۇرگىزۋشىلەرى نەگىزىنەن جىلدامدىق رەجىمىن، جول بەلگىلەرى مەن تاڭبالارىن جانە باسقا دا بەلگىلەنگەن نورمالاردى ەسكەرە بەرمەيدى.
ەستەرىڭىزگە سالا كەتەلىك، 2015 -جىلدىڭ باسىنان بەرى جول قوزعالىسى ەرەجەسىن بۇزعانى ءۇشىن الماتىدا 308 مىڭنان استام ازامات اكىمشىلىك جاۋاپكەرشىلىككە تارتىلدى. ولاردىڭ ىشىندە 2153 ادام اۆتوكولىگىن ماس كۇيىندە باسقارسا، 3811 ادامنىڭ اۆتوكولىگى مەملەكەتتىك ءنومىرسىز نەمەسە ول ءجوندى وقىلمايتىن بولعان. ال 3929 ادام اۆتوكولىگىنىڭ تەرەزەلەرىن تۇمشالاپ العان.
اۆتور: جاپپاربەرگەن ايبوتا
