12:34, 07 - قاراشا 2015 | GMT +5
ايۋ سالعان سۋرەتتەردىڭ ءارقايسىسى 300 ەۋرودان ساتىلىپ جاتىر - كەسكىن
استانا. قازاقپارات - فينليانديادا ءىسى ورگە دومالاعان سۋرەتشىلەردىڭ ءبىرى كۋۋسامي قالاسىنداعى حايۋاناتتار باعىندا مەكەندەيتىن يۋۋسو ايۋى بولىپ شىقتى. ونىڭ سالماعى جارتى تونناعا جۋىق جانە ول قىمبات سۋرەتتەر سالادى،
دەپ حابارلادى Huffington Post.
تومەندە كورسەتىلگەن ۆيدەودا ونىڭ سۋرەت سالۋى كورسەتىلگەن. زووباق قىزمەتكەرلەرى وعان ءتيىستى جاراقتاردى اكەلەدى. ايۋ اياعىن بوياۋعا مالىپ، سۋرەت سالادى.
يۋۋسو ەڭبەكتەرى ونىڭ ارنايى سايتىنا جاريالانادى. وسى جەردەن ونى ساتىپ الۋعا بولادى. ءاربىرىنىڭ قۇنى 300 ەۋرو سونىمەن قاتار پوشتا ارقىلى جەتكىزۋ ءۇشىن تولەم تولەۋ قاجەت. سۋرەتتىڭ ءتۇپنۇسقا ەكەنىن راستايتىن سەرتيفيكات بەرىلەدى.
سۋرەتتەردى ساتۋدان الىنعان اقشانى زووباق قىزمەتكەرلەرى ايۋ باسسەينىنە ارنالعان سۋ ناسوستارىن جانە جانۋارعا قاجەتتى وزگە دە زاتتاردى ساتىپ الۋعا جۇمسايدى. قازىرگى تاڭدا يۋۋسو سالعان 13 سۋرەتتىڭ التاۋى ساتىلدى.
