استانادا 300 توننادان استام تۇرمىستىق قالدىقتار بولەك جينالدى
بۇل تۋرالى ەلوردا اكىمدىگىنىڭ رەسمي سايتىندا حابارلادى.
پيلوتتىق جوبا اياسىندا 54 اۋداندا ءتۇرلى ءتۇستى 108 كونتەينەر: قاعاز ءۇشىن - كوك ءتۇستى، پلاستيكا - سارى ءتۇستى، شىنى - قىزىل ءتۇستى جانە ارالاس قالدىقتار (ازىق- تۇلىك جانە ت. ب. ) ءۇشىن جاسىل ءتۇستى ورناتىلدى.
پيلوتتىق جوبا اياسىندا 36 تۇرعىن ءۇي كەشەننىڭ اۋماعىندا 17 پاتەر يەلەرى كووپەراتيۆى جانە «استانا- تازارتۋ» ج ش س ماماندارىنىڭ قاتىسۋىمەن حالىق اراسىندا ناسيحاتتاۋ جۇمىستار جۇرگىزىلدى.
جوبا اياسىندا 81,2 توننا قاعاز، 206,92 توننا پلاستيك جانە 36,9 توننا شىنى جينالىپ، تۇرمىستىق قالدىقتار قايتا وڭدەۋگە جىبەرىلدى.
سونىمەن قاتار، 1- ناۋرىزدان باستاپ ب ۇ ۇ دامۋ باعدارلاماسى بىرىگۋىمەن، ەلەكتروندىق قالدىقتاردى بولەك جيناۋ (كەرەكسىز ەلەكتروندى جانە باسقا دا ەلەكتر قۇرىلعىلار مەن ولاردىڭ بولىكتەرى) ۇيىمداستىرىلدى. ءۇش تۇرعىن ءۇي كەشەننىڭ اۋماعىندا جانە «ارتەم» جانە «ەسىل» ەكى ساۋدا ورتالىقتارىندا ارنايى ەكولوگيالىق جاشىكتەر ورناتىلدى. حالىقتى ىنتالاندىرۋ ماقساتىندا اقاۋلى ەلەكتروندىق قۇرىلعىلار مەن جابدىقتاردى تاپسىرۋ تۋرالى تۇرعىندارعا ارنايى جەڭىلدىكتەر قامتاماسىز ەتۋ ءۇشىن ALSER كومپانياسىمەن كەلىسسوزدەر جۇرگىزىلدى. سونىمەن قاتار، قالانىڭ ءدارىحانالارىندا (مەرزىمى وتكەن ءدارى- دارمەكتەر، مەديتسينالىق پرەپاراتتار جانە ت. ب. ) مەديتسينالىق قالدىقتاردى جيناۋدى ەنگىزۋ جوسپارلانۋدا.
