الماتى وبلىسىندا 300 دەن استام يت پەن مىسىق يەلەرى جازالاندى

 تالدىقورعان. قازاقپارات - «نولدىك توزىمدىلىك» شاراسىنىڭ جەتى كۇنىندە پوليتسيا قىزمەتكەرلەرى 12 ميلليون. تەڭگەدەن استام ايىپپۇل سالدى.

 «شارانىڭ العاشقى 7 كۇنىندە 3660 اكىمشىلىك قۇقىقبۇزۋشىلىق انىقتالدى. قوعامدىق ورىنداردا تەمەكى شەككەنى ءۇشىن 365 ادام اكىمشىلىك جاۋاپكەرشىلىككە تارتىلدى، اباتتاندىرۋ ەرەجەسىن بۇزعاندارعا قاتىستى 809 اكىمشىلىك حاتتاما تولتىرىلىپ، يت پەن مىسىقتى ۇستاۋ جانە ولاردى دالاعا شىعارۋ ەرەجەسىن بۇزعاندارى ءۇشىن 312 ءۇي جانۋارىنىڭ يەسى جاۋاپكەرشىلىككە تارتىلدى.

سونىمەن قاتار بۇزاقىلىقتىڭ 111 فاكتىسى مەن وزگە دە قۇقىق بۇزۋشىلىقتار انىقتالدى»، - دەدى الماتى وبلىستىق ءى ءى د اكىمشىلىك پوليتسيا باسقارماسى ءبولىمىنىڭ باستىعى مەيىرجان اندابايەۆ.

 اتالعان شارا 7 - شىلدەدە باستالدى جانە 25 - شىلدەگە دەيىن جالعاسادى.