19:28, 31 - شىلدە 2014 | GMT +5
بۇدان 300 جىل بۇرىن جوعالعان التىن القا تابىلدى
استانا. قازاقپارات - ا ق ش-تىڭ فلوريدا شتاتىندا تۇراتىن شميتتەر وتباسى ويلاماعان جەردەن ولجالى بولدى.
300 جىل بۇرىن جوعالعان التىن القانى ەريك ەسىمدى جىگىت سۋ استىنان تاۋىپ الدى. القانى زەرگەرلىك بۇيىمدارمەن اينالىساتىن ماماندارعا كورسەتكەندە اشەكەي 25 جىل بۇرىن تابىلعان تاريحي جادىگەردىڭ ءبىر بولشەگى ەكەنى انىقتالدى.
ەندى فلوريدا شتاتىنىڭ زاڭدارىنا سايكەس، قازىنا وكرۋگتىك سوتقا تاپسىرىلادى. ال كونە اشەكەيدىڭ قۇنىن ارنايى ماماندار باعالاپ، 20 پايىزى اتالعان مەملەكەتتىك ورگانعا وتكىزىلەدى. قالعانىن شميتتەر وتباسى مەن باعالاۋشى كومپانيا ءوزارا كەلىسىپ، ءبولىپ الادى.
24.kz
