استانادا مۇمكىندىگى شەكتەۋلى جاندار ءۇشىن 300 اۆتوبۋس ساتىپ الىندى

استانا. قازاقپارات - استانادا مۇمكىندىگى شەكتەۋلى ادامدارعا قالالىق جولاۋشىلار كولىگىمەن ءجۇرۋدى جەڭىلدەتۋ قولعا الىنعان. ەندى جاڭادان الىنعان 300 اۆتوبۋس ولاردىڭ قوعامدىق كولىكپەن ءجۇرۋىن جەڭىلدەتەدى، دەپ حابارلادى astana.kz.

«بۇگىنگى تاڭدا ەلوردادا 739 قوعامدىق كولىك بار. سونىڭ ىشىندە 381 اۆتوبۋستىڭ ەدەنى تومەن، مۇگەدەكتەر ءۇشىن ىڭعايلى. سونىمەن قاتار، بيىل قوسىمشا 300 گە جۋىق كولىك الىندى»، - دەدى «دوس»: تاۋەلسىز ءومىر ورتالىعى» مۇگەدەكتەر قوعامدىق بىرلەستىگىنىڭ ءتورايىمى د. ەردىلدينوۆا.

ونىڭ ايتۋىنشا، قازىرگى ۋاقىتتا استانادا كوتەرگىش قۇرىلعىلارمەن جابدىقتالعان اربامەن جۇرەتىن مۇگەدەكتەردى تاسىمالداۋعا ارنالعان 5 اۆتوموبيل قىزمەت كورسەتەدى. «ولار مۇمكىندىگى شەكتەۋلى جانداردى تەگىن تاسىمالدايدى. ەرەجەگە سايكەس، بۇل قىزمەتتى ءبىرىنشى توپتاعى مۇگەدەك ادامدار پايدالانا الادى.