ەر جانىبەكتىڭ 300 جىلدىعىنا ارنالعان قوياندىداعى اسقا دايىندىق جۇمىستارى قاۋرت جۇرگىزىلىپ جاتىر - فوتو

استانا. قازاقپارات - ەر جانىبەك 300 جىلدىعىنا ارنالعان قوياندىداعى  اسقا كيىز ۇيلەر تىگىلىپ ، دايىندىق قىزىۋ جۇرگىزىلىپ جاتىر. 
None
None

19  - ماۋسىم اقمولا  وبلسى  سەلينوگراد  اۋدانى  قوياندى اۋلىندا   ايگىلى  باتىر، شەشەن، ابىلايدىڭ وڭ تىزەسىنە وتىرعان،جوڭعار  شاپقىنشىلىعىنا قارسى كۇرەستىڭ  داڭقتى قولباسشىسى ەر جانىبەك بەرداۋلەت ۇلىنىڭ  300  جىلدىعىنا ارنالعان اس  بەرىلمەك.  بۇگىن كيىز   ۇيلەر  تىگىلىپ، دايىندىق جۇمىستارى قاۋرت جۇرگىزىلىپ جاتىر.

كەشە استانا قالاسى بەيبىتشىلىك جانە كەلىسىم سارايىندا ەر جانىبەك رۋحىنا ارنالعان اقىندار ايتىسى وتكەن بولاتىن.

19 - ماۋسىم. 9:30 ساعاتتا - ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە ەر جانىبەكتىڭ 300 جىلدىق مەرەيتويىنا ارنالعان «ماڭگىلىك ەل جانە ەر جانىبەك» اتتى حالىقارالىق عىلىمي-پراكتيكالىق كونفەرەنسيا وتەدى.

13:00 ساعاتتا قوياندى اۋىلىندا باتىردىڭ 300 جىلدىق مەرەيتويىنا ارنالعان ارنايى اس بەرىلەدى.

14:30 ساعاتتا - ەر جانىبەك اتىنداعى جاستار مەن جاسوسپىرىمدەر اراسىندا «بەلبەۋ كۇرەسىنەن» رەسپۋبليكالىق بىرىنشىلىك (چەمپيونات) پەن قازاق كۇرەسىنەن وتەتىن تۇيە پالۋاندار سايسى باستالادى.

- 15:30 ساعاتتا - قوياندى اۋىلى ورتالىعىنداعى «ەر جانىبەك باقشاسىنا» قويىلاتىن باتىردىڭ اتقا مىنگەن تۇلعاسى ورنايتىن ەسكەرتكىشتىڭ ىرگە تاسىن قالاۋ ءراسىمى.

- قوياندى اۋىلىنىڭ ورتالىعىنان الىنعان «ەر جانىبەك كوشەسىنىڭ» تۇساۋكەسەر سالتاناتى. باتىر رۋحىنا ارنالعان ادەبي-مۋزىكالىق كەش وتەدى.

سالتاناتتى شاراعا ق ر پارلامەنت ءماجىلىسى دەپۋتاتتارى، اقمولا وبلىسى اكىمدىگى، ق ر دەنە شىنىقتىرۋ جانە سپورت اگەنتتىگىنىڭ باسشىلارى مەن الەم چەمپيوندارى، اقىن-جازۋشى، عالىمدار، سەلينوگراد اۋدانى اكىمى، شەتەلدەن كەلگەن سىيلى قوناقتار قاتىسادى دەپ كۇتىلۋدە.

ريزابەك نۇسىپبەك ۇلى

سۋرەتتەر  ورازبەك ساپارحاننىڭ جەكە پاراقشاسىنان الىندى
2 
3 
4 
5 

سوڭعى جاڭالىقتار