قىتايدا 300 بالا حيميالىق زاۋىت شىعارىندىلارىنان ۋلانىپ قالدى
جەرگىلىكتى بيلىكتىڭ الدىن الا بولجامى بويىنشا، بۇعان جاقىن ماڭدا ورنالاسقان حيميالىق زاۋىت شىعارىندىلارى سەبەپ بولۋى مۇمكىن.
بۇل تۋرالى شينحۋا اگەنتتىگى حابارلادى.
سەنبى كۇنى وزدەرىن جايسىز سەزىنىپ دارىگەرگە شاعىمدانعان داپۋ قالاسىنىڭ بالالارىنىڭ قانىنان قورعاسىن انىقتالدى. دارىگەرلەردىڭ باعالاۋىنشا، ونداعى اۋىر مەتالداردىڭ قۇرامى ادەتتەگىدەن ءۇش ەسە ارتىق.
پروۆينسيالىق بيلىكتىڭ مالىمدەۋىنشە، زياندى زاتتار جاقىن ماڭدا ورنالاسقان «مەيلۋن حيميالىق ماتەريالدار» كاسىپورنىنان شىعۋى مۇمكىن. زاۋىت تازارتىلماعان سۋدى سىرتقا توگىپ نەمەسە ونىمدەردى اۋادا ورتەگەن بولۋ كەرەك. قازىرگى ۋاقىتتا وندا قىزمەتتىك تەكسەرۋ جۇرگىزىلىپ جاتىر. زاۋىت ۋاقىتشا جابىلدى.
اعزاداعى قورعاسىننىڭ ارتىلۋى جۇيكە جۇيەسىن زاقىمداپ، قان قىسىمىن جوعارىلاتۋى مۇمكىن. ەڭ اۋىر جاعدايدا كوماعا نەمەسە ولىمگە اكەپ سوقتىرۋى ىقتيمال.
