قىتايدا 3000 جىل بۇرىنعى قابىرلەر تابىلدى

None
سينين. قازاقپارات - دۇيسەنبىدە ارحەولوگتار قىتايدىڭ سولتۇستىك-باتىسىنداعى شينحاي پروۆينتسياسىنداعى ۇستىرتتە 3000 جىل بۇرىنعى قيراندىلاردىڭ اراسىنان 3228 قابىر تاپتى.

دۋلان وكرۋگىندەگى بالونگ كەنتىندە ورنالاسقان قيراندى ءبىزدىڭ داۋىرىمىزگە دەيىنگى 1500-1000-جىلدار ارالىعىنداعى قابىرلەر مەن تۇرعىن ۇيلەردى بىرىكتىرەتىن توپ بولىپ سانالادى. بۇل تۋرالى قازاقپارات Xinhua-عا سىلتەمە جاساپ حابارلايدى.

پروۆينتسيانىڭ مادەني مۇرا جانە ارحەولوگيا عىلىمي-زەرتتەۋ اكادەمياسى مەن قىتايدىڭ سولتۇستىك- باتىس ۋنيۆەرسيتەتى 2021-جىلى بىرلەسكەن قازبا جۇمىستارىن باستاعان. ارحەولوگيالىق قازبا جوباسىنىڭ جەتەكشىسى دۋ ۆەي (Du Wei) قازىرگى ۋاقىتتا جالپى اۋدانى 120000 شارشى مەتر بولاتىن ءۇش جەرلەۋ ورنى تابىلعانىن جانە 52 قابىر قازىلعانىن حابارلادى. دۋ ۆەيدىڭ ايتۋىنشا، تابىلعان زاتتاردىڭ اراسىندا قىش ىدىستار، قولا، نەفريت، ماتا، ادام قالدىقتارى، جانۋارلاردىڭ سۇيەكتەرى مەن وسىمدىك قالدىقتارى بولعان.

كوپتەگەن جادىگەر نۋومۋحون (Nuomuhong) مادەنيەتىن زەرتتەۋگە كومەكتەسەدى. نۋومۋحون مادەنيەتى - قولا داۋىرىندەگى ارحەولوگيالىق مادەنيەت، نەگىزىنەن كايدام باسسەينىندە جانە وعان جاقىن اۋدانداردا كەڭ تارالعان.

سوڭعى جاڭالىقتار