تۇركىستان وبلىسىنداعى قارناق اۋىلىنىڭ حالقى اسارلاتىپ 3000 ورىندىق مەشىت سالدى

تۇركىستان. قازاقپارات - تۇركىستان وبلىسىنداعى قارناق اۋىلىنىڭ حالقى اسارلاتىپ مەشىت سالدى. 3000 ادامعا ارنالعان عيبادات ءۇيى ورازا ايت كۇنى اشىلادى دەپ جوسپارلانىپ وتىر، دەپ حابارلايدى قازاقپارات ءتىلشىسى.
None
None

جاڭا مەشىت كەنتاۋ قالاسىنا قاراستى 2000 جىلدان استام تاريحى بار قارناق اۋىلىنىڭ كىرەبەرىس بولىگىندە ورنالاسقان. ەرەكشە ساۋلەت ۇلگىسىندە سالىنعان عيبادات ءۇيى ءۇش قاباتتان تۇرادى. ونىڭ قازىعى 2019 -جىلى قاعىلىپ، ءۇش جىلدان استام ۋاقىت بويى قۇرىلىسى جۇرگىزىلدى. مەشىتتىڭ بوي كوتەرۋىنە بارلىق قازاقستاندىقتار كۇش سالىپ، ۇلەس قوستى. ياعني، اسارلاتۋ ءادىسى قولدانىلدى. مەشىتتىڭ قۇرىلىسىنا شەت مەملەكەتتە جۇرگەن قازاقستاندىق جومارت جانداردىڭ دا ۇلەسى بار.

ىنتىماق پەن بىرلىكتىڭ اياسىندا سالىنعان اللا ءۇيى سوڭعى زاماناۋي قۇرىلعىلارمەن جابدىقتالعان. مۇندا يمام بولمەسىنەن بولەك وقۋ ورتالىعى، كىتاپحانا، ارنايى جۋىناتىن بولمەلەر مەن كولىك تۇراعى بار. مەشىتكە قۇلشىلىق جاساۋعا كەلەتىن جاماعاتقا بارلىق جاعداي جاسالعان. بۇگىنگى تاڭدا ىشكى بولىكتەرىن ارلەۋ جانە اباتتاندىرۋ، سانيتارلىق تازالىق سەكىلدى جۇمىستار جۇرگىزىلىپ جاتىر.


اۆتور: قايرات زاينيشيەۆ

سوڭعى جاڭالىقتار