ا ق ش- تا 3000-نان استام ادام كوروناۆيرۋستان كوز جۇمدى
ىندەت اسىرەسە، نيۋ- يورك شاھارىندا كەڭ تاراپ جاتىر. قالادا COVID-19-دان قازا تاپقاندار سانى مىڭعا جاقىندادى. قۇراما شتاتتاردا قاۋىپتى ىندەت جىلدام تاراپ، ەتەك جايىپ بارادى. بۇگىندە امەريكادا 163 مىڭنان اسا ادامنان قاۋىپتى ۆيرۋستىڭ بەلگىلەرى تابىلدى.
ەل پرەزيدەنتى دونالد ترامپتىڭ جاقىن دوسى دا كوروناۆيرۋس جۇقتىرعانى انىقتالدى. بۇل جايىندا مەملەكەت باسشىسىنىڭ ءوزى مالىمدەدى. ەل اۋماعىنداعى كارانتين مەرزىمى 30 - ساۋىرگە دەيىن ۇزارتىلدى. سوندىقتان ازاماتتار پاسحا مەرەكەسىن ۇيلەرىندە قارسى الادى.
دونالد ترامپ، ا ق ش پرەزيدەنتى:
- حالىقتى سابىرعا شاقىرامىن. ءدال قازىرگى ساتتە ءبارىمىز ۇرەيگە بوي الدىرمايىق. بۇل كۇننەن دە وتەرمىز. ءبىز ءالى جەڭىستى تويلايتىن بولامىز. مىقتى ەل ەكەنىمىزدى دالەلدەپ، ىندەتتى جەڭۋگە ۇمتىلامىز. ۆيرۋسپەن كۇرەسىپ جاتقان جاندارعا العىسىم شەكسىز، ولار تىنباي ەڭبەك ەتىپ جاتىر. ءبىز ميلليوننان اسا سىناما جۇرگىزدىك. بۇل شىنىندا دا ايتۋعا تۇرارلىقتاي كورسەتكىش.
www.24.kz