ەلباسىنىڭ قاتىسۋىمەن وتكەن تارازداعى پاتريوتتىق فورۋمعا 3000 جامبىلدىق قاتىستى - فوتو

None
None
تاراز. قازاقپارات - مەملەكەت باسشىسى نۇرسۇلتان نازاربايەۆ جامبىل وبلىسىنا جۇمىس ساپارى بارىسىندا «تاراز- ارەنا» سپورت سارايىندا قازاقستان حالقى اسسامبلەياسىنىڭ جىلىنا وراي «ەلدىڭ تاعدىرى - مەنىڭ تاعدىرىم» اتتى رەسپۋبليكالىق شارا اياسىندا ۇيىمداستىرىلعان «قازاقستان - بەرەكە مەن بىرلىكتىڭ وتانى» فورۋمىنا قاتىستى.

«جامبىل ايماعى بۇگىندە 80 نەن استام ەتنوس وكىلدەرىنىڭ دوستىعى مەن تاتۋلىعى مەكەنىنە اينالدى، - دەدى ءوز سوزىندە نۇرسۇلتان نازاربايەۆ. - 2000 جىلدان استام تاريحى بار تاراز قالاسى ەلىمىزدىڭ تاريحي ورتالىعى بولىپ تابىلادى. وبلىستىڭ جانە قالانىڭ كورىكتى جەرلەرى يۋنەسكو- نىڭ بۇكىل الەمدىك مۇرالار تىزىمىنە ەنىپ وتىر. كۇزدە وسى قاسيەتتى جەردە قازاق مەملەكەتتىلىگىنىڭ 550 جىلدىعىن اتاپ وتەمىز. بۇل ءبىزدىڭ بىرلىگىمىز بەن يگىلىگىمىزدى پاش ەتەتىن ماڭىزدى شارا».

پاتريوتتىق فورۋمعا شامامەن ءۇش مىڭعا جۋىق جامبىلدىق - جامبىل وبلىسىندا تۇرىپ جاتقان 87 ەتنوستىڭ وكىلدەرى، سونداي-اق ەتنومادەني بىرلەستىكتەردىڭ، ساياسي پارتيالاردىڭ وكىلدەرى، قوعامدىق ۇيىمدار كوشباسشىلارى، ايماق جۇرتشىلىعى قاتىستى.

فورۋم بارىسىندا پاتريوتتىق اندەر ورىندالىپ، قازاقستان حالقى اسسامبلەياسىنىڭ تاريحى تۋرالى قىسقامەتراجدى فيلم كورسەتىلدى. ونىڭ قاتىسۋشىلارى قازاقستاندىق ەسترادا جۇلدىزدارىمەن بىرگە «ءبىر ءۇيدىڭ بالاسىنداي» ءانىن ورىندادى.

كونسەرتتىك باعدارلامادا وبلىستىڭ جاس تالانتتارى مەن قازاقستاندىق جۇلدىزدار ونەر كورسەتتى.

جامبىل وبلىسىنىڭ قازاقستان حالقى اسسامبلەياسى 1995 - جىلى قۇرىلعان، وعان 25 ەتنومادەني بىرلەستىكتەر كىرەدى. جامبىل وبلىسىنداعى مەكتەپتەردە جەتى ءتىل - قازاق، ورىس، دۇڭگەن، وزبەك، كارىس، تۇرىك، ۇيعىر تىلدەرى وقىتىلادى.

null

null

null

سوڭعى جاڭالىقتار