چيليدە 3000 ادام 120 ساعات بويى فۋتبول وينايدى
ول ءۇشىن ەل استاناسىنداعى «فلوريدا» ستاديونىنا 3 مىڭداي ادام جيىلعان. اراسىندا كاسىپقوي سپورتشىلارمەن قاتار اۋەسقوي ويىنشىلار دا بار، دەپ حابارلايدى 24.kz.
جوسپار بويىنشا ولار 120 ساعات بويى تىنىمسىز دوپ تەبۋى ءتيىس. ءاربىر قاتىسۋشىنىڭ الاڭدا كەم دەگەندە ءبىر ساعات ويناۋى شارت. جالپى، بۇعان دەيىن ەڭ ۇزاق فۋتبول كەزدەسۋىن شوتلانديالىقتار وتكىزگەن ەدى. ولار 105 ساعات بويى ءۇزىلىسسىز دوپ تەۋىپ، وتكەن جىلى گيننەسس رەكوردتار كىتابىنا ەنگەن بولاتىن.
«بۇل كەرەمەت يدەيا ەمەس پە؟ اۋەسقوي ويىنشىلارعا كاسىپقوي فۋتبولشىلارمەن ءبىر الاڭدا ويناۋعا مۇمكىندىك تۋىپ وتىر. كەزدەسۋدى سوڭىنا دەيىن جەتكىزەمىز دەگەن ءۇمىتىمىز بار»، - دەيدى چيلي فۋتبول قۇراماسىنىڭ قاقپاشىسى كريستوفەر توسەللي.
ال جەرگىلىكتى تۇرعىنداردىڭ ءبىرى الۆارو ۆالەنسۋەلو: «ءبىز ءۇشىن بۇل ۇلكەن تاجىريبە بولعالى تۇر. بولاشاقتا وسىنداي باستامالار كوپ بولسا ەكەن»، - دەيدى.
