ەر جانىبەكتىڭ 300 جىلدىعىنا ارنالعان اسقا باتىردىڭ 7-ۇرپاعى قاتىستى - فوتو

استانا. قازاقپارات - كەشە اقمولا وبلىسى، سەليناگراد اۋدانى، قوياندى اۋىلىندا، 18 - عاسىردا حان ابىلايدىڭ حاس باتىرلارىنىڭ ءبىرى، اتاقتى قابانباي باتىردىڭ جان سەرىگى بولعان جانىبەك بەرداۋلەت ۇلىنىڭ 300 جىلدىعىنا ارنالعان اس بەرىلدى.
None
None

اتالمىش شارا تاڭەرتەڭ ەل ورداسى استاناداعى ەۋرازيا ۇلتتىق ۋنيۆەرسيتىندەگى باتىرعا ارنالعان كونپەرەنسيامەن باستالىپ، قوياندى اۋىلىندا باتىر كەسەنەسىنىڭ ىرگە تاسىن قالاۋمەن جالعاسقان بولاتىن.

2669925

ەر جانىبەك باتىردىڭ كەيىنگى ۇرپاقتارى شەتەلدەردە تۇراتىندىقتان ونىڭ ەل تاريحىنا قوسقان ەرەن ۇلەسى ەلەۋسىز قالىپ وتىر. بۇل تۋرالى اسقا ارنايى قىتايدان كەلگەن، باتىردىڭ جەتىنشى ۇرپاعى، ءانشى، سازگەر ساعدات مىرزاحمەت ۇلى ايتتى.

ونىڭ ايتۋىنشا،  كەزىندە بۇكىل قازاققا اتى ءماشھۇر بولعان باتىردى موڭعول، رەسەي، قىتاي قازاقتارى جاقسى بىلەدى. ال، اتا جۇرتتاعى اعايىندار بىلە بەرمەيدى. سەبەبى، ول سول زاماننان تارتىپ شىعىس وڭىرلەرىندە ەلدى سىرتقى جاۋدان قورعاۋ مىندەتىن العان. ءسويتىپ، كەيىن كەلە ۇرپاقتارى ەلدەن جىراقتا قالىپ، وسىنداعى جالپى قازاققا تانىلماي قالعان.

ەندىگى ءبىزدىڭ باستى ماقساتىمىز - وسىنداي ەلىنە قورعان بولعان وعلانداردىڭ وشپەس رۋحىن قازىرگى ءوسىپ كەلە جاتقان جاس وسكىن ساناسىنا ءسىڭىرىپ، وتانشىلدىق، پاتريوتتىق سەزىمدەرىن اسقاقتاتۋ دەيدى. 

قوياندىدا اسقا  30 كيىز ءۇي تىگىلدى.

باتىردىڭ 300 جىلدىعىنا وراي رەسپۋبليكا كولەمىندە قازاقشا كۇرەستەن، بەلبەۋ كۇرەستەن سپورتتىق شارا ۇيىمداستىرىلىپ، جەڭىمپازدارعا ءار سالماق بويىنشا جۇلدەلەر تابىستالدى. سونداي-اق، اقمولا وبلىسىنا قاراستى اۋدانداردان ارنايى ۇيىمداسقان جانە ەلىمىزدىڭ ءار وڭىرىنەن كەلگەن ونەرپازدار كونسەرت بەردى. كونسەرت سوڭى باتىر بابامىزدىڭ رۋحىن اسقاقتاتۋ ماقساتىندا ايتىسپەن جالعاستى.

اتاقتى ءباھادۇردىڭ 300 جىلدىق مەرەيتويىنا، وسى اسقا «ەر جانىبەك» رومانىنىڭ اۆتورى قىتاي حالىق رەسپۋبليكاسىنىڭ مەملەكەتتىك 1- دارەجەلى جازۋشىسى ءشامىس قۇمار ۇلى دا ارنايى كەلىپ قاتىستى.  

ايتا كەتۋ كەرەك، جانىبەك بەرداۋلەت ۇلىنىڭ جەتىنشى ۇرپاعى ساعدات مىرزاحمەت ۇلىنىڭ ايتۋىنشا اتاقتى ديپولومات حان ابىلاي وڭ تىزەسىندە وتىرعان باتىر ەر جانىبەككە بەرگەن اق تۋى 1958 - جىلعا دەيىن قىتايداعى ۇرپاقتارى قولىندا كوزدىڭ قاراشىعىنداي ساقتالىپ كەلگەن.

الايدا، سول ۋاقىتتاعى قىتاي بيلىگى مادەني مۇرا رەتىندە ساقتايمىز دەپ حاننىڭ بەرگەن اق تۋىن الىپ كەتكەن. اتادان قالعان اسىل جادىگەر سولاي قولدى بولعان كورىنەدى. دەگەنمەن، ول تۋ قازىر قىتاي ارحيبىندە بولۋى دا بەك مۇمكىن. ال جانىبەكتىڭ اق تۋى سالىنعان ساندىعى قازىرگە دەيىن ۇيلەرىندە ساقتاۋلى ەكەن.

ەر جانىبەكتىڭ 300 جىلدىق مەرەيتويى ەرتەڭ، ياعني 21-22 - ماۋسىم كۇندەرى شىعىس قازاقستان وبلىسى، باتىردىڭ سۇيەگى جاتقان، ءومىرىنىڭ سوڭىندا مەكەندەگەن جەرى، قالبا تاۋىنىڭ بوكتەرى جارما اۋدانىندا  جالعاسىن تاپپاق.
2669925 2669925 
2669925 2669925 
2669925 2669925 
2669925  

بەيسەن سۇلتان ۇلى

سوڭعى جاڭالىقتار