الماتى وبلىسىندا تىكۇشاق جوعالىپ، ونى ىزدەستىرۋگە 300 قىزمەتكەرى مەن 50 تەحنيكا جۇمىلدىرىلدى

استانا. قازاقپارات - الماتى وبلىسىندا جوعالعان تىكۇشاقتى ىزدەستىرۋگە قازىرگى ۋاقىتتا ق ر ءى ءى م بولىمشەلەرىنىڭ 300 قىزمەتكەرى مەن 50 تەحنيكاسى جۇمىلدىرىلدى.

بۇعان دەيىن حابارلانعانداي، الماتى وبلىسى ت ج د كەزەكشىلىك-ديسپەتچەرلىك قىزمەتىنە ساعات 17:47 دە الاكول اۋدانى ءۇشارال قالاسىنان تالدىقورعان قالاسىنا قاراي باعىتپەن «اسپان» ا ق- نىڭ مەنشىگىندەگى UP- MD-600N ازاماتتىق تىكۇشاعى، سىرقات بالانى وبلىستىق اۋرۋحاناعا جەتكىزۋ ءۇشىن ۇشىپ شىققاندىعى حابارلانعان. قولداعى بار مالىمەتتەردە تىكۇشاق بورتىندا 5 ادام بولعاندىعى كەلتىرىلگەن.

ىزدەستىرۋ ايماعىنداعى اۋا رايىنا كەلسەك، قار جاۋىپ تۇر، كورىنۋ ناشار. ىزدەستىرۋ جالعاسۋدا. الماتى وبلىسىنىڭ توتەنشە جاعدايلار دەپارتامەنتى تۇرعىندارعا پسيحولوگيالىق جانە اقپاراتتىق قولداۋ كورسەتۋ ءۇشىن 87282220460 ءنومىرى بويىنشا «جەدەل» جەلى اشتى.