جىل باسىنان بەرى قازاقستاندىقتار 30,5 ميلليارد تەڭگەنىڭ الەۋمەتتىك جاردەماقىسىن الدى

None
None
استانا. قازاقپارات - 2015-جىلدىڭ قاڭتار-ناۋرىز ايلارى ارالىعىندا قازاقستاندا رەسپۋبليكالىق بيۋجەتتەن مەملەكەتتىك الەۋمەتتىك جاردەماقىلار تولەۋگە 29,3 ميلليارد تەڭگە، مەملەكەتتىك ارنايى جاردەماقىلار تولەۋگە 1,2 ميلليارد تەڭگە جۇمسالدى. بۇل تۋرالى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتىنەن حابارلاندى.

مينيسترلىكتىڭ مالىمەتىنە قاراعاندا، بۇگىنگى تاڭدا مۇگەدەكتىگى بويىنشا مەملەكەتتىك ارناۋلى جاردەماقى الاتىندار سانى - 490,9 مىڭ ادامدى، اسىراۋشىسىنان ايىرىلۋ بويىنشا - 178,7 مىڭ ادامدى، جاسىنا بايلانىستى - 5,6 مىڭ ادامدى قۇرايدى.

«اتالعان مەرزىم ارالىعىندا مەملەكەتتىك ارناۋلى جاردەماقىنىڭ ورتاشا مولشەرى مۇگەدەكتىگى بويىنشا - 22487 تەڭگەنى، اسىراۋشىسىنان ايىرىلۋ جاعدايىنا بايلانىستى - 20222 تەڭگەنى، ال جاسىنا بايلانىستى - 11110 تەڭگەنى قۇراپ وتىر. بۇدان بولەك، رەسپۋبليكامىزدا 1№  جانە 2№  ءتىزىم بويىنشا مەملەكەتتىك ارنايى جاردەماقىلار الاتىندار سانى 31,8 مىڭ ادامدى قۇرايدى»، - دەلىنگەن باسپا ءسوز بايانىندا.

ايتا كەتەرلىگى، اعىمداعى جىلدىڭ باسىنان بەرى 1№  جانە 2№  ءتىزىم بويىنشا مەملەكەتتىك ارنايى جاردەماقىلار مولشەرى 18671 تەڭگەنى جانە 16610 تەڭگەنى قۇراپ وتىر.

اۆتور: قانات مامەتقازى ۇلى

سوڭعى جاڭالىقتار