دەمالىس كۇندەرى قارلى بوراننان 30 ادام قۇتقارىلىپ، 485 ى ەۆاكۋاتسيالاندى - فوتو

استانا. قازاقپارات - 19 جانە 20 -جەلتوقسان كۇندەرى ق ر ءى ءى م توتەنشە جاعدايلار كوميتەتىنىڭ قۇتقارۋشى بولىمشەلەرى، سونىمەن قاتار مەملەكەتتىك ازاماتتىق قورعانىس جۇيەسىنىڭ كۇش-قۇرالدارى اقمولا، جامبىل، وڭتۇستىك قازاقستان جانە قاراعاندى وبلىستارىندا ىزدەستىرۋ جانە اپاتتان قۇتقارۋ وپەراتسيالارىن وتكىزىپ، قارلى بوراسىننان 30 ادامدى قۇتقاردى، 485 ادامدى جانە 30 تەحنيكانى ەۆاكۋاتسيالادى.

بۇل كۇندەرى اۋا رايىنىڭ بۇزىلۋىنا، بورانعا، ناشار كورىنۋشىلىككە، ەلىمىزدىڭ بىرنەشە ايماقتارىندا قاردىڭ مول تۇسۋىنە بايلانىستى اۆتوجولداردا كولىك قوزعالىسىنا شەكتەۋ ەنگىزىلدى، دەپ حابارلايدى ق ر ءى ءى م ت ج كوميتەتىنىڭ مەملەكەتتىك ءتىل جانە اقپارات باسقارماسىنان.

20 -جەلتوقساندا جامبىل وبلىسى جۋالى اۋدانىندا قارلى بوراسىندا قالعان ادامداردى جانە اۆتوكولىكتەردى ەۆاكۋاتسيالاۋ بويىنشا اۆاريالىق- قۇتقارۋ جانە كەزەك كۇتتىرمەيتىن جۇمىستاردى جۇرگىزۋ ءۇشىن ازاماتتىق قورعانىس قىزمەتتەرىنىڭ 7 تەحنيكاسى جانە 37 ادام دەرەۋ جولداندى. وتكىزىلگەن جۇمىستاردىڭ ناتيجەسىندە «الماتى- تاشكەنت» اۆتوجولىنىڭ 556-593 -شاقىرىمىندا قارلى بوراسىندا قالعان 2 جولاۋشىلار اۆتوبۋسىنان، 4 جۇك جانە 42 جەڭىل اۆتوموبيلدەن 152 ادام ەۆاكۋاتسيالاندى، ونىڭ ىشىندە 16 بالا بار، ولار جۋالى اۋدانىنىڭ باۋىرجان مومىش ۇلى جانە نۇرلىكەنت اۋىلدارىنا جەتكىزىلدى.

جامبىل وبلىسىنىڭ شاقپاق اۋىلىندا اپاتتان قۇتقارۋ جۇمىستارىن جۇرگىزۋ ءۇشىن وڭتۇستىك قازاقستان وبلىسىنىڭ ت ج دەپارتامەنتى قۇرامىندا 26 ادام جانە 8 تەحنيكاسى بار اۆاريالىق- قۇتقارۋ قىزمەتتەرىنىڭ كۇشتەرى مەن قۇرالدارى توپتاماسى ۇيىمداستىرىلدى. ىزدەستىرۋ- قۇتقارۋ جۇمىستارى توعىز ساعاتقا جۋىق ۋاقىت جۇرگىزىلدى. 20 -جەلتوقساندا كەشكى ساعات 19 دار شاماسىندا زارداپ شەككەندەردىڭ بارلىعى امان- ەسەن تابىلدى. «الماتى- تاشكەنت» تاس جولىنداعى قار قۇرساۋىنان 8 جولاۋشىلار اۆتوبۋسى جانە 30 جەڭىل كولىك، 200 ادام، ونىڭ ىشىندە 5 بالا ەۆاكۋاتسيالاندى. ولار تۇرار رىسقۇلوۆ اۋىلىنا جانە شىمكەنت قالاسىنا جەتكىزىلدى.

جامبىل وبلىسىنىڭ مويىنقۇم اۋدانىندا «ەكاتەرينبۋرگ- الماتى» اۆتوجولىنىڭ 489 شاقىرىمىندا قاراعاندى وبلىسىنىڭ تجد قۇتقارۋشىلارى اپاتتان قۇتقارۋ جۇمىستارىن جۇرگىزدى، ونىڭ بارىسىندا قارلى بوراسىندا توقتاپ قالعان جولاۋشىلار اۆتوبۋسىنان 50 ادام ەۆاكۋاتسيالاندى.

ت ج كوميتەتى ازاماتتاردان اۋا رايىنىڭ وزگەرۋىن، مەتەورولوگيالىق مالىمەتتەردى بايقاپ وتىرۋىن، اۋا رايى ناشارلاعان كەزدە جول جۇرۋگە جانە اۆتوجولداردا كولىك قوزعالىسىنا شەكتەۋ قويۋدى سۇرايدى.