باتىستىق ساراپشىلار مۇناي باعاسى باررەلىنە 30-40 دوللارعا دەيىن تومەندەيدى دەپ بولجاۋدا
WTI باعاسى 30 دوللارعا دەيىن قۇلدىراۋى مۇمكىن، دەپ سانايدى كانادالىق Canadian Natural Resources مۇناي- گاز كورپوراتسياسىنىڭ باسشىسى ميۋررەي ەدۆاردس، دەپ حابارلايدى ر ب ك.
«باعا باررەلىنە 30-40 دوللارعا ءتۇسۋى مۇمكىن. 2008 - جىلى باعا از ۋاقىتقا 35 دوللارعا دەيىن تۇسكەن»، - دەپ ءمالىم ەتتى ەدۆاردس كانادالىق Financial Post ىسكەرلىك باسىلىمىندا.
ەدۆاردس باعا وسىلاي تىم تومەنگە قۇلدىراعان كۇننىڭ وزىندە، بۇل ۇزاققا سوزىلمايتىنىن ايتتى. Canadian Natural Resources باسشىسى ورتامەرزىمدى پەرسپەكتيۆادا باعا باررەلىنە 70-75 دوللار ارالىعىندا بولادى دەپ بولجايدى.
ۇرەي تۋدىراتىن باررەلىنە 40 دوللار باعاسى باسقا نارىق بولجامدارىندا دا ايتىلۋدا. Ayers Alliance Securities ينۆەستيتسيالار جونىندەگى باس ديرەكتور دجوناتان باررات CNBC باسىلىمىندا WTI ەگەر باعا باقىلاۋدان شىعىپ كەتەتىن بولسا، باررەلىنە 40 دوللارعا دەيىن ارزاندايتىنىن ءمالىم ەتتى. تاۋەلسىز تالداۋشى دجەسسي كولومبو ەگەر مۇناي قۇنى 60 دوللاردان تومەندەسە، كەلەسى قولداۋ دەڭگەيى باررەلىنە 40 دوللار بولادى دەپ بولجادى.
مۇناي باعاسىنىڭ بارەللىنە 40 دوللارعا دەيىن تومەندەۋ ىقتيمالدىعى جايىندا Bloomberg شولۋشىلارى دا جازۋدا. IHS كونسالتينگتىك فيرماسىنىڭ مۇناي سالاسى جونىندەگى ساراپشىسى دانيەل ەرگين Bloomberg راديوسىنان قازىر نارىق و پ ە ك- ءتىڭ ءوندىرۋ كۆوتاسىن تومەندەتپەۋ شەشىمىن ۇستانۋدا ەكەنىن، تاياۋ اپتادا مۇنايعا باعانىڭ ارزانداۋ سەبەبى ناقتى اشىلاتىنى تۋرالى ايتتى.
ينۆەستيتسيالىق بانكتەر وپتيميستىك كوزقاراستا
بارلىق ساراپشىلار باعانىڭ قۇلدىراۋى جالعاساتىنىن بايقاۋدا. Goldman Sachs تالداۋشىلارى كەلەسى جىلى WTI مۇنايىنىڭ باعاسى باررەلىنە 70-75 بولادى دەپ سانايدى. «نارىق ەكى فاكتوردى قيىستىرۋ ەسەبىنەن تەڭەسەدى: ا ق ش- تا تاقتاتاس سالاسىنىڭ ءوسىمىن باياۋلاتۋ جانە و پ ە ك- كە مۇشە ەلدەردىڭ ءونىمىن قىسقارتۋ»، دەپ كەلتىردى Goldman ماماندارىنىڭ پىكىرىن Bloomberg. وپەك بانكى ا ق ش- تىڭ مۇناي كومپانيالارىن العاشقى قادام جاساۋعا ماجبۇرلەۋگە تىرىسۋدا.
بريتاندىق Barclays بۇگىن باررەلىنىڭ ورتاشا باعاسى بويىنشا Brent 2015 - جىلى $72 (بۇرىنعى $93) دەيىن، WTI - $66 (بۇدان بۇرىن بارەللىنە $85) دەيىن تومەندەيدى دەپ بولجامىن وزگەرتتى. حالىقارالىق ەنەرگەتيكالىق اگەنتتىك (IEA) وتكەن ايدا بەلگىلەنىمنىڭ قۇلدىراۋى - جاھاندىق مۇناي سەكتورى ەۆوليۋتسياسىندا جاڭا كەزەڭ باستالعانىنىڭ بەلگىسى ەكەنىن ەسكەرتتى. بۇل كەيبىر مۇناي ءوندىرۋشى ەلدەردىڭ الەۋمەتتىك تۇراقتىلىعىنا قاۋىپ اكەلەدى. ۆەنادا 27 - قاراشادا وتكەن و پ ە ك وتىرىسىنان كەيىن Brent ماركالى مۇناي 40 پايىزعا تومەندەدى.
الەۋمەتتىك تاۋەكەلدەر
2014 - جىلعى قازاندا ح ۆ ق جەكەلەگەن ەلدەردە بيۋدجەتتىڭ تاپشىلىققا ۇشىراماۋىن قامتاماسىز ەتۋ ءۇشىن مۇناي باعاسىنىڭ دەڭگەيى قانداي بولۋى كەرەكتىگىنە باعا بەردى. قور دەرەكتەرىنە سۇيەنسەك، كۋۆەيت، كاتار، ب ا ءا باررەلىنە 70 دوللار، يراندا بۇل كورسەتكىش $136 قۇراسا، ۆەنەسۋەلا مەن نيگەريادا 120, رەسەيدە 101 دوللاردى قۇرادى.
«ساۋد ارابياسى، ب ا ءا مەن كاتار بەلگىلى ءبىر ۋاقىتتا مۇنايعا سالىستىرمالى تومەن باعانى ۇستاپ تۇرا الادى، ال يران، يراك، نيگەريا، ۆەنەسۋەلا، الجير مەن انگولا ولاي جاساي المايدى، - دەدى پاريجدەگى فرانسۋزدىق حالىقارالىق قاتىناستار ينستيتۋتىنىڭ ەنەرگەتيكالىق ورتالىعىنىڭ ديرەكتورى ماري- كلەر اۋن. - حالىقتىڭ ءوسۋى ەنەرگيا تۇتىنۋدى ارتتىرىپ، بيۋدجەتكە جۇكتەمە تۇسىرۋدە. بۇل ەلدەر ءۇشىن مۇناي قۇنىنىڭ ماڭىزى زور. ويتكەنى ولار ءوز ەكونوميكالارىن ءارتاراپتاندىرىپ ۇلگەرمەدى» .
سوڭعى ەل توپتارى اراسىندا دا مۇناي باعاسى قۇلدىراعان كەزدە ولاردىڭ ەكونوميكالىق، الەۋمەتتىك يگىلىگىنە كەلەتىن تاۋەكەلدەر ءار ءتۇرلى.
«مۇنايدىڭ ارزانداۋى يراندا اسا سەزىلمەۋى مۇمكىن، - دەدى برۋكينگ ينستيتۋتىنىڭ عىلىمي قىزمەتكەرى، يراندىق مامان سيۋزانن مەلوني. - يراندىقتار سانكسيا سالدارىنان ميللياردتاعان دوللار جوعالتتى، سوندىقتان ولارعا مۇناي باعاسىنىڭ تومەندەۋى اسا اسەر ەتپەۋى مۇمكىن».
