استانانىڭ قارىن تازالاۋ ءۇشىن كۇنىنە 30-35 ميلليون تەڭگە جۇمسالادى

استانا. قازاقپارات - استانا قالاسىن قاردان تازالاۋ ءۇشىن كۇنىنە 30-35 ميلليون تەڭگە جۇمسالادى. بۇل تۋرالى بۇگىن كەشكە جۋرناليستەرمەن بىرگە قالانى ارالاپ كورگەن اكىمنىڭ ورىنباسارى قوسمان ايتمۇحامبەتوۆ ءمالىم ەتتى، دەپ حابارلايدى قازاقپارات ءتىلشىسى.
None
None

«ناقتى سيفرىن بىلمەيمىن، ءبىراق، قار تازالاۋ ءۇشىن كۇنىنە 30-35 ميلليون تەڭگە شاماسىنداعى قاراجات جۇمسالادى. قالا بويىنشا قار تازالاۋعا جالپى ەكى مىڭنان اسا تەحنيكا تارتىلادى. ال، قار تازالايتىن ءبىر تەحنيكانىڭ ءبىر ساعاتتىق جۇمىسى 4000 تەڭگە. بۇل باعا ارينە اسپاننان الىنعان جوق. اكىمدىكتىڭ تۇرعىن ءۇي- كوممۋنالدىق باسقارماسى كالكۋلياتسيا جاسايدى، ياعني، باعانى باسقارما بەكىتەدى»، - دەدى ايتمۇحامبەتوۆ.

اكىمدىكتىڭ باسپا ءسوز قىزمەتى حابارلاعانداي، قالانىڭ قارىن تازالاۋعا جالپى 2177 تەحنيكا تارتىلعان. قوسمان ايتمۇحامبەتوۆ بۇل تەحنيكالاردىڭ بارلىعى كۇنى كەشكە دەيىن جۇمىس ىستەمەيتىنىن، قاجەتتى جۇمىستى اتقارعاننان كەيىن، توقتاپ تۇراتىنىن حابارلادى.

«تەحنيكالار كۇنى بويى جۇمىس ىستەمەيدى. مىسالى، قار سىپىراتىن ماشينا قار سىپىرىپ بولدى ما، سول كۇنى قايتىپ جۇمىسقا تارتىلمايدى»، - دەلدى كولىكتەردىڭ ءبىر ساعاتتىق قىزمەت اقىسىن ايتا كەلە ايتمۇحامبەتوۆ.

اۆتور: كەنجەكەي توقتامۇرات قىزى



سوڭعى جاڭالىقتار