وسىدان 30 جىل بۇرىن 20- عاسىردىڭ ۇزدىك فۋتبولشىسى انىقتالعان ەدى

وعان «رەال مادريد» شابۋىلشىسى الفرەدو دي ستەفانو، «اياكس» پەن «بارسەلونا» شابۋىلشىسى يوحان كرويف، «يۋۆەنتۋس» شابۋىلشىسى ميشەل پلاتيني ۇمىتكەر بولدى. ساۋالناما ناتيجەسىندە ۇلكەن باسىمدىقپەن دي ستەفانو لايىق دەپ تانىلىپ، جەڭىپ شىقتى.



دي ستەفانو بۇل سىيلىققا لايىق بولدى ما؟
ابدەن لايىق. سەبەبى ول 8 رەت يسپانيا چەمپيوناتىندا، 5 رەت ەۋروپا چەمپيوندار كۋبوگىندا، 2 رەت قۇرلىقارالىق كۋبوكتا، 1 رەت يسپانيا كۋبوگىندا جەڭىسكە جەتكەن. سونىمەن بىرگە، 1957-59 -جىلدارى 2 رەت كارى قۇرلىقتىڭ ەڭ ۇزدىك ويىنشىسى اتانىپ، «التىن دوپتى» يەلەنگەن فۋتبولشى. ايتا كەتۋ كەرەك، سول ۋاقىتتا اتالعان سىيلىق تەك ەۋروپاداعى ويىنشىلار ءۇشىن بەرىلەتىن بولعاندىقتان، بۇدان اتاقتان پەلە مەن مارادونا شەت قالعان ەدى.

وسىنداي كەمشىلىكتەر جانكۇيەرلەر مەن سپورت ماماندارىنىڭ نارازىلىعىن تۋدىرا باستادى. 1999 -جىلى France Football ورىن العان داۋ- دامايدى باسۋ ماقساتىندا، «عاسىردىڭ ۇزدىك فۋتبولشىسى كىم؟» دەگەن ساۋالناما وتكىزەدى.

وعان «التىن دوپ» العان 34 فۋتبولشى، پەلە مەن مارادونا دا ەندى. ساۋالناما ناتيجەسىندە 122 بالمەن پەلە (مارادونا 65، يوحان كرويف 62، دي ستەفانو 44، ميشەل پلاتيني 40 بال) جەڭىسكە جەتتى.