مەملەكەتتىك رامىزدەردىڭ 30 جىلدىعى اياسىندا 180 نەن استام ءىس- شارا وتەدى

بۇل تۋرالى مادەنيەت جانە سپورت ۆيتسە-ءمينيسترى نۇرعيسا داۋەشوۆ مالىمدەدى، دەپ حابارلايدى قازاقپارات.

«مەرەكەلەۋ كونسەپتسياسىنا بايلانىستى ءاربىر وڭىردە وبلىس اكىمى جانىنداعى ق ر مەملەكەتتىك رامىزدەر جونىندەگى كوميسسيا وتىرىستارى ۇيىمداستىرىلدى. مادەنيەت ۇيلەرىندە جانە كىتاپحانالاردا اي سايىن تاقىرىپتىق باعىتتا ءىس-شارالار بولىپ تۇرادى. جىل باسىنان بەرى بارلىق كىتاپحانالاردا «مەنىڭ رامىزدەرىم، مەنىڭ ماقتانىشىم» كەشەندى كىتاپ كورمەلەرى ءوتتى. ءىس-شارالارعا شىعارماشىلىق جانە عىلىمي ينتەلليگەنسيا وكىلدەرى، مادەنيەت جانە ونەر قايراتكەرلەرى، جاستار جانە ۇكىمەتتىك ەمەس ۇيىمدار، Amanat پارتياسى، قازاقستان حالقى اسسامبلەياسى جانە جاستار كەڭىنەن تارتىلدى»، - دەدى نۇرعيسا داۋەشوۆ.

سونىمەن قاتار، استانانىڭ «اتامەكەن» ەتنومەموريالدىق ساياباعىنداعى ەڭ بيىك تۋتۇعىردا مەملەكەتتىك تۋ كوتەرۋ ءراسىمى، رەسپۋبليكا بويىنشا مەملەكەتتىك گيمندى ورىنداۋ فلەشموبى سىندى ماڭىزدى ءىس- شارالار ۇيىمداستىرىلادى.

ال، 4-ماۋسىم كۇنى رەسپۋبليكالىق پاتريوتتار فورۋمى، اۆتو-موتو شەرۋ وتكىزۋ جوسپارلانعان.

ايتا كەتسەك، ەلوردادا «مەملەكەتتىلىكتىڭ رامىزدەرى» اتتى حالىقارالىق عىلىمي كونفەرەنسيا ءوتتى.