قىتايدا 30 جىل بۇرىن وتىرعىزىلعان كوشەتتەر 17 ميلليون گەكتارعا ارتىپ، نۋ ورمانعا اينالدى

نۇر-سۇلتان. قازاقپارات - قىتايدىڭ سولتۇستىگىندە ورىن تەپكەن ىشكى موڭعوليادا 70 جىل ىشىندە جالپى اۋدانى 26,13 ميلليون گەكتار جەردى الىپ جاتقان نۋ ورمانعا اينالعان.

قىتاي حالىق رەسپۋبليكاسىنىڭ العاشقى جىلدارى 9,13 ميلليون گەكتار ورماننىڭ اۋماعى 17 ميلليون گەكتارعا ارتقان.

بۇل جايىندا قىتايلاردىڭ شينحۋا اقپارات اگەنتتىگى حابار تاراتتى.

اتالمىش ورمان القابى قازىرگى ۋاقىتتا اۋماعى جاعىنان قىتايداعى ەڭ ءبىرىنشى ورىندا. بۇل ورماندى كوممەرتسيالىق ماقساتتا وتاۋعا 2015 -جىلدىڭ ءساۋىر ايىنان باستاپ تىيىم سالىنعان بولاتىن. ايماقتاعى ەكولوگيالىق جۇيەنى قالپىنا كەلتىرۋ باعدارلاماسى اياسىندا. ورماندى وتاۋ جىلىنا 1,51 ميلليون تەكشە مەترگە ازايىپ وتىردى.

ايتا كەتۋ كەرەك، ىشكى موڭعوليا اۋماعىندا اسا ءىرى ءشولدى ايماقتار كوپتەپ كەزدەسەدى. شولەيتتەنۋگە قارسى وسىنداي شارالار ىشكى موڭعوليادا قارقىن الىپ كەلەدى.