گەولوگيا كوميتەتى 30 جىلدا 12 رەت مينيسترلىك اۋىستىرعان

قازاقستان گەولوگتارىنىڭ تۇڭعىش سەزىندە گەولوگيا كوميتەتىنىڭ ءتوراعاسى ەرلان اقباروۆ كەيىنگى 30 جىلدا ءوز ۆەدومستۆوسىنىڭ 12 رەت قايتا قۇرىلىمدالعانىن ايتتى.

ونىڭ پايىمىنشا، مۇنداي تۇراقسىزدىق سالانىڭ دامۋىنا كەرى اسەرىن تيگىزبەي قويماعان، دەپ حابارلايدى قازاقپارات ءتىلشىسى.

«ءبىزدىڭ كوميتەت ونەركاسىپ جانە قۇرىلىس مينيسترلىگىنىڭ قۇرامىنا وتكەنىن بىلەسىزدەر. جالپى كەيىنگى 30 جىلدا بىزدىك كوميتەت 12 رەت قايتا قۇرىلىمداۋدى باستان وتكەرگەن ەكەن. ءار قايتا قۇرىلىمداۋعا 6 اي ۋاقىت كەتەدى دەسەك، 30 جىلدىڭ 7 جىلداي ۋاقىتىن مينيسترلىكتەر اراسىندا كوشۋگە جۇمساعانبىز. ارينە، مۇنىڭ ءبارى سالانىڭ دامۋىنا، كوميتەت جۇمىسىنا كەدەرگى كەلتىرگەنى ءسوزسىز»، - دەيدى كوميتەت باسشىسى.

سونداي- اق، ول قازاقستاندا ءىرى كەن ورىندارى قالماعانىن ايتادى.

«مەملەكەتكە تەحنولوگيالار ازىرلەۋ جاعىنا باسىمدىق بەرۋ قاجەت. ءوز تەحنولوگيامىز بولماسا، جەرىمىزدىڭ استىندا وراسان بايلىق جاتقانىمەن، شيكىزاتتىڭ ءوزىن ءالى دە سىرتتان ەكسپورتتاي بەرەمىز. ال بىزگە الدەقايدا تەرەڭدەتىلگەن قايتا وڭدەۋگە كوشۋ كەرەك. ءىرى كەنىشتەر ءداۋىرى ءوتتى. ءبىز قازىر گەولگيالىق تۇرعىدان وتە كۇردەلى، جەر استىندا جۇزدەگەن، مىڭداعان مەتر تەرەڭدىكتە جاتقان «سوقىر» كەنىشتەردى» زەرتتەپ جاتىرمىز. مۇنداي ىستە تۇبەگەيلى جاڭا تاسىلدەر مەن تەحنولوگيالاردى قولدانىپ، گەولوگيانىڭ جاڭا قاتەرلەرىنە دايىن بولۋ قاجەت»، - دەدى ەرلان اقباروۆ.