لاس-ۆەگاستاعى اتىس: كومەك قورىنا 3,7 ميلليون دوللار قارجى جينالدى

استانا. قازاقپارات - لاس- ۆەگاس قالاسىنداعى (نەۆادا شتاتى) اتىس قۇرباندارىنىڭ تۋىستارى ءۇشىن دۇيسەنبى كۇنى قۇرىلعان كومەك قورى $3,7 ميلليون دوللار جينادى، دەپ حابارلايدى تاسس.

بۇل تۋرالى سەيسەنبى كۇنى لاس- ۆەگاستاعى باسپا ءسوز ءماسليحاتىندا 59 ادامنىڭ ءومىرىن جالماعان قايعىلى وقيعا بولعان قالا ورنالاسقان كلارك وكرۋگى كوميسسياسىنىڭ ءتوراعاسى ستيۆەن سيسولاك ءمالىم ەتتى.

ونىڭ سويلەگەن ءسوزىن CNN تەلەارناسى كورسەتتى. «سوڭعى دەرەك بويىنشا، كومەك قورىنا $3,7 ميلليون تۇسكەن، - دەپ اتاپ ءوتتى ول. - قارجىنى 47 مىڭ ادام اۋدارعان».

ونىڭ ايتۋىنشا، تولەمدەردىڭ ءبىرى $500 مىڭ، ەندى ءبىرى - $100 مىڭدى قۇراعان. جەرگىلىكتى بيلىك پەن لاس- ۆەگاس شەريفى دجوزەفا لومباردونىڭ باستاماسىمەن قۇرىلعان قور $4 ميلليون قارجى جيناۋدى جوسپارلاپ وتىر.

 

 فوتو: podrobnosti.ua