اتىراۋ وبلىسىندا كارانتيندە 3 ادام جاتىر، 741 ى باقىلاۋدا

بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە ايماقتىق دەنساۋلىق ساقتاۋ باسقارماسىنىڭ باسشىسى بايتوللا عازيزوۆ ءمالىم ەتتى، دەپ حابارلايدى «قازاقپارات» ح ا ا ارناۋلى ءتىلشىسى.

«وبلىستا كوروناۆيرۋس ينفەكتسياسىن جۇقتىرۋ وقيعالارى تىركەلگەن جوق. قازىرگى ۋاقىتتا تولىق كارانتيندە يتاليادا بولىپ كەلگەن 3 ادام جاتىر - ق ح ر-دىڭ ءبىر ازاماتى جانە ەكى قازاقستاندىق. ولار قازاقستان- رەسەي شەكاراسىندا پويىزدان ءتۇسىرىلدى. بۇل - «ا» ساناتى بويىنشا. «ب» ساناتى بويىنشا، ياعني فرانسيا، يسپانيا، گەرمانيادان كەلگەندەر - 66 ادام: ق ر- دىڭ 9 ازاماتى جانە 57 شەتەلدىك. 2-سانات بويىنشا، ياعني شۆەيتساريا، ۇلى بريتانيا، نيدەرلادتان كەلگەن 198 ادام بار: 6 قازاقستاندىق، 192 شەتەلدىك. 3-سانات بويىنشا، ياعني بەلگيا، شۆەتسيا، نورۆەگيا، ءۇندىستان، يراك، فيليپپين جانە ا ق ش-تان 477 ادام كەلدى، ولاردىڭ 541 ى - قازاقستاندىقتار، 423 - شەتەلدىكتەر. ولاردىڭ بارلىعى تۇرعىلىقتى جەرلەرى بويىنشا باقىلاۋدا»، - دەدى ب. عازيزوۆ.

ونىڭ اتاپ وتۋىنشە، وبلىستا مەديتسينالىق پرەپاراتتار مەن دەزينفەكتسيالىق قۇرىلعىلاردىڭ قورى بار. تۋبەركۋلەزگە قارسى ديسپانسەردە ناۋقاستاردى وقشاۋلاۋعا ارنالعان 100 ورىن دايىندالدى.

اۆتور: ميرا تولەندى قىزى