نۇر-سۇلتاندا ج ر ۆ ي-مەن اۋىرۋ كورسەتكىشى 3,6 ەسە ءوستى

None
None
نۇر-سۇلتان. قازاقپارات - بۇگىنگى تاڭدا ەلوردادا، قازاقستان رەسپۋبليكاسىنىڭ وزگە ايماقتارىندا سياقتى تۇماۋ مەن ج ر ۆ ي ءجيى تىركەلەتىن اۋرۋلاردىڭ ءبىرى بولىپ قالا بەرەدى، دەپ حابارلايدى قازاقپارات.

2021-2022 -جىلدارداعى ەپيدەميالىق ماۋسىمدا (2021 -جىلعى 1-قازاننان باستاپ 2022 -جىلعى 17-ناۋرىزعا دەيىن) نۇر-سۇلتان قالاسىنىڭ تۇرعىندارى اراسىندا جەدەل رەسپيراتورلىق ۆيرۋستىق ينفەكسيالاردىڭ 78414 جاعدايى تىركەلدى، 100 مىڭ تۇرعىنعا شاققانداعى كورسەتكىش 6352,8 قۇرادى، بۇل وتكەن جىلدىڭ ۇقساس كەزەڭىندەگى كورسەتكىشتەن 3,6 ەسە جوعارى (20101 جاعداي، 100 مىڭ تۇرعىنعا شاققانداعى كورسەتكىش - 1739,9).

ەپيدەميولوگيالىق ماۋسىم باستالعاننان بەرى تىركەلگەن ج ر ۆ ي جالپى سانىنان (2021 -جىلعى 1-قازاننان 2022 -جىلعى 17-ناۋرىزعا دەيىن) تۇماۋدىڭ 103 جاعدايى تىركەلدى، قارقىندى كورسەتكىش 8,3 قۇرادى، ونىڭ ىشىندە 14 جاسقا دەيىنگى بالالار اراسىندا - 4,9 كورسەتكىشپەن تۇماۋدىڭ 61 جاعدايى (H3N2-102 ج.، ۆ - 1 ج. ). تۇماۋدىڭ وڭ ناتيجەلەرى بار ادامداردا COVID-19 انىقتالعان جوق. 2020 -جىلدىڭ ۇقساس كەزەڭىمەن سالىستىرعاندا تۇماۋمەن سىرقاتتانۋ 1,3 ەسەگە ازايدى (2020 -جىلى 139 تۇماۋ جاعدايى، قارقىندى كورسەتكىش - 12,03 جانە 14 جاسقا دەيىنگى بالالار اراسىندا - 63 جاعداي، قارقىندى كورسەتكىش-5,4).

وسى ورايدا، سانيتاريالىق- ەپيدەميولوگيالىق باقىلاۋ دەپارتامەنتى ج ر ۆ ي جانە تۇماۋدان قورعانۋ ەرەجەلەرى تۋرالى ەسكە سالادى:

- تۇشكىرۋ جانە جوتەلۋ كەزىندە مۇرنىڭىزدى ورامالمەن جابىڭىز.

- پايدالانىلعان مايلىقتاردى دەرەۋ تاستاڭىز.

- ەگەر مايلىقتار بولماسا، شىنتاعىڭىزدى بەتىڭىزگە قاراي كوتەرىپ تۇشكىرىڭىز جانە جوتەلىڭىز.

- قولىڭىزدى كەم دەگەندە 20 سەكۋند سابىنمەن ۇنەمى جۋىڭىز نەمەسە الكوگول بار تازارتقىش زاتپەن قولىڭىزدى ءسۇرتىڭىز.

- جۋىلماعان قولىڭىزبەن كوزىڭىزدى، مۇرنىڭىزدى، اۋزىڭىزدى ۇستاماڭىز.

- ەپيدەميا كەزىندە قول الىسۋدان جانە بەت سۇيۋدەن اۋلاق بولىڭىز.

- ادامدار كوپ جينالاتىن جەرلەردەن اۋلاق بولىڭىز نەمەسە ول جەردە بولۋ ۋاقىتىن ازايتىڭىز.

- يممۋندىق جۇيەنى نىعايتۋ: ۆيتاميندەر قابىلداۋ، كوكونىستەر مەن جەمىستەردى جەۋ، ءشوپ شايلارى مەن ينفۋزيالارىن ءىشۋ.

اۆتور: ەسىمجان ناقتىباي


سوڭعى جاڭالىقتار