قازاقستاندا جىل باسىنان بەرى قازىنادان 3,6 ميلليارد تەڭگە ۇرلانعان
بۇل تۋرالى استاناداعى و ق ك الاڭىندا جەمقورلىققا قارسى كۇرەس ۇلتتىق بيۋروسىنىڭ دەپارتامەنت باسشىسى ەسقالي سالاماتوۆ مالىمدەدى دەپ جازادى Skifnews.kz.
«جىل باسىنان بەرى جەمقورلىققا قارسى قىزمەتتىڭ سوتقا دەيىنگى تەرگەۋ تىزىمىنە 1097 ءىس تىركەلگەن، ولاردىڭ 87 پايىزى جەمقورلىق بابىنا قاتىستى قىلمىستار. زاڭسىزدىقتاردىڭ كوبىسى (%38) پارا الۋ رەتىندە ورىن العان. سونداي-اق، قىزمەتىن اسىرا پايدالانۋ (%4) جانە جالعان قۇجات ازىرلەۋ (%12) سىندى قۇقىق بۇزۋشىلىق تۇرلەرى دە از ەمەس. جەمقورلىق قىلمىسى بويىنشا ەل قازىناسىنا بارلىعى 3,6 ميلليارد تەڭگە شىعىن كەلگەن. ولاردىڭ 2 ميلليارد تەڭگەسى كەرى قايتارىلدى. سونىمەن قاتار، شىعىننىڭ ورنىن جابۋ ءۇشىن جاۋاپتى تۇلعالاردىڭ 2,4 ميلليارد تەڭگەگە باعالانعان مۇلىكتەرىنە بۇعات قويىلدى»، - دەدى سالاماتوۆ جۋرناليستەرمەن بولعان كەزدەسۋ بارىسىندا.
ونىڭ ايتۋىنشا، قازاقستان الەمدەگى ەڭ جەمقور ەلدەردىڭ تىزىمىنەن ءالى دە بولسا شىعا الار ەمەس.
