قازاقستاننىڭ جالپى حالىقارالىق رەزەرۆتەرى 3,5 ميلليارد دوللارعا ارتتى
بۇل تۋرالى ق ر ۇلتتىق بانكى ءتوراعاسىنىڭ ورىنباسارى بەرىك شولپانقۇلوۆ بۇگىنگى ۇكىمەت وتىرىسىندا ايتتى.
«2023 -جىلعى قاڭتار ايىنىڭ قورىتىندىسى بويىنشا، التىن- ۆاليۋتا رەزەرۆتەرى ۆاليۋتاداعى اكتيۆتەر مەن التىن باعاسىنىڭ وسۋىنە بايلانىستى 36,7 ميلليارد دوللارعا دەيىن 1,6 ميلليارد دوللارعا ارتتى»، - دەدى ۇلتتىق بانك وكىلى.
سپيكەردىڭ ايتۋىنشا، بيىلعى قاڭتاردا ۇلتتىق قور اكتيۆتەرى نەگىزگى الەمدىك يندەكستەردىڭ وسۋىنە بايلانىستى 57,6 ميلليارد دوللارعا دەيىن % 3,4- عا نەمەسە 1,9 ميلليارد دوللارعا ۇلعايدى.
«ۇلتتىق قوردان رەسپۋبليكالىق بيۋدجەتكە 235 ميلليارد تەڭگە ترانسفەرت ءبولۋ ءۇشىن جىل باسىنان باستاپ 228 ميلليون دوللارعا ۇلتتىق قوردىڭ ۆاليۋتالىق اكتيۆتەرى ساتىلدى. ءتۇسىم 197 ميلليارد تەڭگەنى، ونىڭ ىشىندە شەتەل ۆاليۋتاسىندا - 152 ميلليون دوللاردى قۇرادى»، - دەدى ب. شولپانقۇلوۆ.
ايتا كەتەيىك، قاڭتار ايىندا تەڭگەنىڭ دوللارعا قاتىستى باعامى 460,52 تەڭگەگە دەيىن % 0,5- عا نىعايدى. تەڭگە باعامى الەمدىك نارىق پەن گەوساياسي جاعدايلارعا بايلانىستى بولادى.
ەلدەگى ينفلياتسيانىڭ ايلىق ديناميكاسى تومەندەپ كەلەدى.
سونىمەن بىرگە، قازاقستاندا ىسكەرلىك بەلسەندىلىك جاقسارا باستادى.
اۆتور
ايجان سەرىكجان قىزى