دەمالىس كۇندەرى 3 بالا قازا تاۋىپ، 5 بالا اۋرۋحاناعا ءتۇستى

سوڭعى ايلاردا اتا-انالارىنىڭ بالالارىن دالادا نەمەسە ۇيدە قاراۋسىز قالدىرعان سوڭ ورىن العان قايعىلى جاعدايلار سانى كوبەيىپ كەتكەن. وتكەن دەمالىس كۇندەرى رەسپۋبليكادا بالالارعا قاتىستى 7 قايعىلى وقيعا بولعان، سونىڭ سالدارىنان ءۇش بالا قازا تاۋىپ، بەسەۋى اۋرۋحاناعا جەتكىزىلدى. 22-تامىز تۇنىندە ەلوردانىڭ «ەسىل» اۋدانىنداعى «پريگورودنوە» ساياجاي قوعامىنداعى تۇرعىن ۇيدە قاتتى وتىنمەن جاناتىن پەشتىڭ اقاۋى، پەش مۇرجاسىنىڭ تازارتىلماۋى سالدارىنان 2017 جانە 2012 -جىلى دۇنيەگە كەلگەن ەكى بالا ءيىس ءتيىپ، اۋرۋحاناعا جەتكىزىلگەن. 22-تامىز كۇنى كەشكە نۇر-سۇلتان قالاسىنداعى 14 قاباتتى كوپپاتەرلى تۇرعىن ۇيدە ەرەسەكتەردىڭ قاراۋىنسىز قالعان 2016 -جىلعى قىز بالا ءتورتىنشى قابات تەرەزەسىنەن قۇلاپ، جاراقات الىپ، اۋرۋحاناعا جەتكىزىلدى.

سول كۇنى الماتى وبلىسىنىڭ الاكول اۋدانىنداعى اقشي اۋىلىندا الاكولگە شومىلىپ جۇرگەن 2012 -جىلعى بالانى گيدروتسيكل قاعىپ كەتىپ، جاراقات الىپ، اۋرۋحاناعا جەتكىزىلدى. 22 تامىز كۇنى پاۆلودار وبلىسىنىڭ باياناۋىل اۋدانىنداعى م. ءجۇسىپ اۋىلىنداعى جەكەمەنشىك تۇرعىن ۇيدە جەڭىل كولىك ورتەندى. سونىڭ سالدارىنان كۇيىك شالعان 2018 -جىلعى قىز بالا اۋرۋحانا جەتكىزىلىپ، سول جەردە قايتىس بولدى.

الدىن الا بولجام بويىنشا، ورتكە ەلەكتر سىمدارىنىڭ تۇيىقتالۋى سەبەپ بولعان. 23-تامىزدا الماتى قالاسىنىڭ ناۋرىزباي اۋدانىنداعى جەكەمەنشىك تۇرعىن ءۇيدىڭ اۋلاسىندا 2010 -جىلعى بالا ابايسىزدا تەرەڭدىگى 4 مەتر جەرتولەگە ءتۇسىپ كەتكەن. ول اۋرۋحاناعا جەتكىزىلدى.

23-تامىزدا باتىس قازاقستان وبلىسى، جانعالى اۋدانىنىڭ جاڭاقازعان كەنتىندەگى جەكەمەنشىك ءتۇرعىن ءۇيدىڭ اۋلاسىندا ۇلكەندەردىڭ قاراۋىنسىز قالعان 2016 -جىلعى قىز بالا تەرەڭدىگى 2,5 مەتر اشىق تۇرعان قۇدىققا قۇلاپ، باتىپ كەتتى. سول كۇنى ماڭعىستاۋ وبلىسىنىڭ جاڭاوزەن قالاسىنداعى جەكەمەنشىك تۇرعىن ءۇيدىڭ اۋلاسىندا ەرەسەكتەردىڭ قاراۋىنسىز قالعان 2012 -جىلعى بالا قولدان جاسالعان اتكەنشەك تەۋىپ ءجۇرىپ قازا تاپتى. ق ر ءى ءى م توتەنشە جاعدايلار كوميتەتى اتا- انالاردى بالالارىن قاراۋسىز قالدىرماي، قاراپايىم قاۋىپسىزدىك ەرەجەلەرىن ساقتاۋىن سۇرايدى.