رەسەيلىك زەينەتكەر قازاقستاننىڭ قازىناسىنا 3,5 ميلليون تەڭگە قايتارادى

قوستاناي. قازاقپارات - 2003-جىلدان بەرى قازاقستاننان زەينەتاقى الىپ كەلگەن ر ف ازاماتشاسى ليديا ليتۆينوۆاعا ۇكىم شىقتى، دەپ حابارلايدى قازاقپارات ءتىلشىسى قوستاناي وبلىستىق سوتىنىڭ باسپا ءسوز قىزمەتىنە سىلتەمە جاساپ.

«ايەل ق ر ق ك 190-بابى 3-تارماعى 1-بولىگىندە قاراستىرىلعان قىلمىس جاسادى دەپ تانىلدى. وعان 3 جىلعا باس بوستاندىعىنان ايىرۋ جازاسى بەكىتىلدى. ق ر ق ك 63-بابىنا سايكەس، ونىڭ جازاسى شارتتى بولىپ تاعايىندالدى»، - دەپ حابارلادى سوتتا.

ليتۆينوۆا قۇزىرەتتى مەمورگانعا ەسكەرتۋسىز تۇراقتى مەكەنجايىن اۋىستىرماۋى ءتيىس جانە رۇقساتسىز باسقا جەرگە شىعۋعا بولمايدى.

«ازاماتتار ءۇشىن ۇكىمەت» كورپوراتسياسىنىڭ ماتەريالدىق زالالدى ءوندىرۋ تۋرالى ءوتىنىشى تولىق كولەمدە قاناعاتتاندىرىلدى. ناتيجەسىندە، ليتۆينوۆا رەسپۋبليكالىق بيۋدجەتكە 3 ميلليون 438 مىڭ 718 تەڭگە تولەيدى.

ەسكە سالايىق، رەسەي فەدەراتسياسىنىڭ ازاماتشاسى بوتەننىڭ مۇلكىن الداۋ ارقىلى يەمدەندى دەپ ايىپتالدى.

«ايەل 2000-جىلدان باستاپ ر ف چەليابى وبلىستىق زەينەتاقى قورىنىڭ بولىمىندە ەسەپتە تۇر جانە زەينەتاقى الىپ كەلگەن. ياعني، ول قازاقستاندا زەينەتاقى الا المايدى.

الايدا، 2003-جىلى زەينەتاقى جاسىنا جەتكەن سوڭ، ل. ليتۆينوۆا قوستاناي وبلىستىق «ازاماتتار ءۇشىن ۇكىمەت» كورپوراتسياسىنىڭ بولىمىنە وعان زەينەتاقى تاعايىنداۋ تۋرالى ءوتىنىش بىلدىرگەن»، - دەپ حابارلادى سوتتىڭ باسپا ءسوز قىزمەتى.

ول زەينەتاقىنى 2003-2018-جىلدارى زاڭسىز الىپ كەلگەن.