يرانعا قاتىستى قۇپيا اقپاراتتى جاريا ەتكەن ەكس-بارلاۋشى 3,5 جىلعا سوتتالدى
ول ا ق ش قولعا العان يراننىڭ يادرولىق باعدارلاماسىن تەجەۋگە باعىتتالعان وپەراتسياسى تۋرالى قۇپيا اقپاراتتى جاريا ەتكەن، دەپ حابارلايدى Reuters.
ەكس-بارلاۋشىعا قاتىستى ۇكىمدى ۆيردجينيا شتاتىنىڭ سۋدياسى لەوني برينكەما شىعاردى. ال قاڭتار ايىندا القابيلەر سوتى ستەرلينگتى 9 تارماق بويىنشا كىنالى دەپ تانىعان ەدى. «دجەففري ستەرلينگ The New York Times باسىلىمىنىڭ ءتىلشىسى دجەيمس رايزەنگە قۇپيا مالىمەتتەردى بەردى» دەپ تە ايىپتالدى. سونىڭ كومەگىمەن رايزەن 2000-جىلى بارلاۋ باسقارماسى يراننىڭ يادرولىق باعدارلاماسىنا كەدەرگى كەلتىرمەك نيەتتە وتكىزگەن قۇپيا وپەراتسيا تۋرالى «سوعىس جاعدايىندا» (State of War) اتتى كىتابىن جازعان.
ءبىراق امەريكاندىقتاردىڭ بۇل ويى ىسكە اسپاي قالىپ، يران بيلىگى ءوز اۋماعىنداعى ا ق ش- تىڭ بارلىق تىڭشىلارى تۋرالى اقپاراتتى اشكەرەلەگەن. ءسوز بوستاندىعى قاعيداسىن تاباندى تۇردە ۇستانىپ، ءوز قىزمەتىنە بەرىلگەندىگى ءۇشىن رايزەن ا ق ش- تىڭ ب ا ق سالاسىنداعى ارنايى جۇلدەسىمەن ماراپاتتالدى.
ول يراننىڭ يادرولىق باعدارلاماسىنا كەدەرگى كەلتىرۋ وپەراتسياسى تۋرالى قۇپيا اقپاراتتى دجەففري ستەرلينگتەن ەمەس، وزگە ادامداردان العاندىعىن مالىمدەدى. سونداي-اق ول سوتتا كۋاگەر بولۋدان باس تارتىپ، اقپاراتتىڭ ناقتى دەرەككوزىن اتامايتىندىعىن ايتتى.
ەكس-بارلاۋشى دجەففري ستەرلينگ وزىنە تاعىلعان بارلىق ايىپتاردى تەرىسكە شىعارىپ، تاعىلعان كىنانى مويىندامايتىندىعىن مالىمدەدى.
دايىنداعان: گ. ابيلوۆا
