وبلىس اكىمى اۋىر اتلەتيكانىڭ كۇمىس جۇلدەگەرىنە 3,5 ميلليون تەڭگە تابىس ەتتى

شىمكەنت. قازاقپارات - وڭتۇستىك قازاقستان وبلىسىنىڭ اكىمى اسقار مىرزاحمەتوۆ الماتى قالاسىندا اۋىر اتلەتيكادان وتكەن الەم چەمپيوناتىندا قازاقستان رەسپۋبليكاسىنىڭ ۇلتتىق قۇراما ساپىندا 69 كەلى سالماق دارەجەسىندە كۇمىس جۇلدەگەر اتانعان جازيرا جاپپارقۇل مەن ونىڭ جاتتىقتىرۋشىسى نيۋ سلاۆيكتى قابىلداپ، جەڭىستەرىمەن قۇتتىقتادى، دەپ حابارلادى وبلىس اكىمى اپپاراتىنىڭ باسپا ءسوز قىزمەتىنەن.

سپورتشىلارمەن بولعان كەزدەسۋدە ءوڭىر باسشىسى مەملەكەتتىك قوداۋدىڭ ارقاسىندا تالاي دارىندى سپورتشىلارىمىز ءتۇرلى دەڭگەيدەگى سپورتتىق دودالاردا توپ جارىپ، ەل نامىسىن قورعاپ جۇرگەندىگىن اتاپ ءوتتى.

اۋىر اتلەتيكادان الەمدىك جارىستا وڭتۇستىك ارۋىنىڭ تۇڭعىش رەت بيىك ناتيجە كورسەتىپ وتىرعاندىعى بارشا قازاقستاندىقتاردىڭ وتانسۇيگىشتىك رۋحىن اسقاقتاتتى دەپ باعالادى.

تالانتتى سپورتشىمىز بەن ونىڭ جاتتىقتىرۋشىلارى وليمپيادالىق ويىنداردا دا بيىكتەن كورىنەدى دەگەن سەنىم ءبىلدىرىپ، جۇلدەگەر ارۋعا 3,5 ملن تەڭگەنىڭ، ونىڭ جاتتىقتىرۋشىسىنا 1 ميلليون تەڭگەنىڭ سەرتيفيكاتىن تابىس ەتتى.