قازاقستان جولدارىنىڭ «ءومىرى» 3-5 جىلعا ارتادى
«قازاۆتوجول» ۇ ك» ا ق مەن «قازجول ع ز ي» ا ق-مەن بىرلەسىپ توپىراقتى تۇراقتاندىرۋ، سالقىن رەسايكلينگ، «سلارري سيل» قوسپالارىن قولدانۋ، سونىمەن قاتار پوليمەرلىك تۇرلەندىرەتىن قوسپالاردى ءوندىرۋ تەحنولوگيالارىن ەنگىزۋ تاجىريبەلەرىن ەنگىزۋ جالعاستىرۋدا.
توپىراقتى - جەر توسەمىنىڭ تومەنگى قاباتىن - تۇراقتاندىراتىن تەحنولوگيانى ەنگىزۋ ماتەريالداردى از مولشەردە جۇمساپ، جۇمىس قاباتىنىڭ قاتىپ جانە ىلعالدالۋىنا بايلانىستى پايدا بولعان اقاۋلاردى ازايتۋعا نەمەسە مۇلدە بولدىرماۋعا مۇمكىندىك بەرەدى. ايتالىق، قازىرگى كەزدە بۇل تەحنولوگيا ورتالىق - وڭتۇستىك «استانا - قاراعاندى - بالقاش - الماتى» ءدالىزىنىڭ قايتا سالىنۋى بارىسىندا قولدانىلۋدا.
سالقىن رەسايكلينگ تەحنولوگياسى نەمەسە باسقا سوزبەن ايتقاندا، ەسكى اسفالتتى كادەگە جاراتىپ، سودان كەيىن اسفالت ۇگىندىسىن تۇتقىر ماتەريالدارمەن قوسۋدى جاڭا ىستىق اسفالت-بەتون قوسپاسىن جەتكىزۋ قاجەتتىلىگىن كەرەك ەتپەيدى.
سۋىق رەسايكلينگ تەحنولوگياسى ماتەريالدى ساقتاۋدى كەرەك ەتپەيدى، ويتكەنى، شۇڭقىرلاردى جوندەۋدە الىنعان ماتەريال قولدانادى، ەسكى توسەمدى قىزدىرۋ قاجەت ەمەس. بۇل قۋاتتى ۇنەمدەۋ جاعىنان دا، قورشاعان ورتانى قورعاۋ جاعىنان دا ماڭىزدى. قازىرگى تاڭدا تاجىريبەلىك قۇرىلىس جۇرگىزىلىپ، اسفالت-بەتون قىزمەتى مەرزىمىن ورتاشا العاندا 3-5 جىلعا ۇزارتاتىن اسفالت-بەتون قوسپالارعا قوسىمشالار - پوليمەرلىك تۇرلەندىرەتىن بيتۋمداردى قولدانۋ ناتيجەلەرى تالدانۋدا.
قازىرگى كەزدە وسى تەحنولوگيا بويىنشا سولتۇستىك قازاقستان وبلىسى (710-719 ك م ا-16 «جەزقازعان - پەتروپاۆل» اۆتوجولىنىڭ ۋچاسكەسى) مەن جامبىل وبلىسىنداعى مەركە - شۋ - بۇرلىبايتال اۆتوموبيل جولىنىڭ 202-210 ك م، 238-246 ك م جانە 214-225 ك م (ىرىكتەمەلى 9 ك م ۋچاسكەلەردە ) قۇرىلىس جۇرگىزىلۋدە.
سونداي-اق، اسفالت-بەتون جامىلعىلاردى تۇراقتاندىراتىن قۇرامدار مەن «سلارري سيل» قوسپالارىن قولدانىپ توزىعى جەتكەن جۇقا قاباتتاردى پايدالانۋدى ەنگىزۋ جۇمىسى جۇرگىزىلۋدە. ولاردى قولدانۋ جوندەۋارالىق مەرزىمدى ۇزارتىپ، اۆتوموبيل جولدارىن كۇتىپ ۇستاۋعا جۇمسالاتىن شىعىنداردى ۇنەمدەۋگە مۇمكىندىك بەرەدى. اتالعان قوسپالار اقمولا، اتىراۋ، قوستاناي، ماڭعىستاۋ جانە الماتى وبلىستارىنىڭ اۆتوموبيل جولدارىنداعى 7 ۋچاسكەلەردى جوندەۋ بارىسىندا قولدانۋدا.
«سونىمەن قاتار، گەرمانيا، شۆەتسيا، يتاليا تاجىريبەلەرىن تالداۋ ناتيجەلەرى بويىنشا جۇقا جانە وتە جۇقا قاباتتاردى سالعاندا قولداناتىن اسفالت-بەتون قوسپالارانىڭ جاڭا بۋىندارىن قازاقستاندا قولدانۋدى ۇيىمداستىرۋ ماسەلەسى قاراستىرىلۋدا.
ولاردى ناتيجەلى بەيىمدەۋ اۆتوموبيل جولدارىنىڭ پايدالانۋ رەسۋرستارىن ارتتىرا وتىرىپ، سونىمەن قاتار، قۇرىلىس جۇمىستارىن ورىنداۋ بارىسىندا شىعىنداردى ازايتۋعا مۇمكىندىك بەرەدى. سونداي-اق، «قازاۆتوجول» ۇ ك» ا ق «بىرلەسكەن حيميالىق كومپانيا» ج ش س مەن «قازجول ع ز ي» ا ق-ىمەن بىرلەسە وتىرىپ قازاقستاندا پوليمەرلىك تۇرلەندىرەتىن قوسپالاردى ءوندىرۋدى ۇيىمداستىرۋ مۇمكىندىگىن زەرتتەيتىن جۇمىس توبىن قۇردى»، - دەپ حابارلادى ق ر كولىك جانە كوممۋنيكاتسيا مينيسترلىگىنىڭ باسپا ءسوز قىزمەتى.
«الماتى» تەلەارناسى
