تاۋەلسىزدىك جىلدارىندا ەلىمىزدە مۇناي ءوندىرۋ 3,5 ەسە، گاز ءوندىرۋ 7 ەسەگە ۇلعايدى
ەنەرگەتيكا ءمينيسترى ماعزۇم مىرزاعاليەۆتىڭ مالىمەتىنشە، ەلىمىز تاۋەلسىزدىك العالى ءوندىرۋدىڭ ءوسۋ قارقىنىندا ايتارلىقتاي سەرپىلىس بايقالعان.
«تاۋەلسىزدىكتىڭ 30 جىلىندا مۇناي ءوندىرۋ 3,5 ەسەگە، گاز ءوندىرۋ 7 ەسەگە ۇلعايدى. وسى كەزەڭدە 1,7 ميلليارد توننا مۇناي، 790 ميلليارد تەكشە مەتر گاز ءوندىرىلدى. ال، 1,4 ميلليارد توننا مۇناي ەكسپورتتالدى. 2020-جىلدىڭ قورىتىندىسىمەن گاز ءوندىرۋ كولەمى 55,1 ميلليارد تەكشە مەتردى قۇرادى. ەلەكتر ەنەرگەتيكاسى سالاسىندا ءبىرقاتار ماڭىزدى جوبالار جۇزەگە اسىرىلدى. سونىڭ ناتيجەسىندە ەلەكتر ەنەرگياسىن ءوندىرۋ 83 ميللياردتان 108 ميللياردت كۆت/ساعاتقا دەيىن ارتتى. ياعني %30- عا ۇلعايدى»، - دەيدى ماعزۇم مىرزاعاليەۆ.
ءمينيستردىڭ ايتۋىنا قاراعاندا، جاڭارتىلاتىن ەنەرگيا كوزدەرىن دامىتۋدا دا جوعارى قارقىن بار. قازىر ەلىمىزدە جاڭارتىلاتىن ەنەرگيا كوزدەرىنىڭ 126 وبەكتىسى جۇمىس ىستەپ تۇر. ونىڭ جالپى قۋاتى 1975 م ۆ ت- تى قۇرايدى.
«ءبىز وسى جەتىستىكتەرمەن توقتاپ قالماۋىمىز قاجەت. الدىمىزدا مۇناي-گاز، ەنەرگەتيكا سالاسىن دامىتۋدىڭ جاڭا بەلەستەرى تۇر. وسى جولدا ايانباي ەڭبەك ەتىپ، تاۋەلسىزدىكتىڭ جاڭا ونجىلدىعىندا ەلىمىزدى اسقاقتاتا بەرەيىك»، - دەپ اتاپ ءوتتى ماعزۇم مىرزاعاليەۆ.
