دەپۋتات ۇلتتىق بانككە ەكونوميكانى كرەديتتەۋدى 3-4 پايىزعا دەيىن تومەندەتۋدى ۇسىندى

«مەنىڭشە، قازاقستاننىڭ ۇلتتىق بانكى ەكونوميكانى 3-4 پايىزبەن كرەديتتەۋ ءۇشىن بازالىق مولشەرلەمەنى تومەندەتۋگە بارلىق مۇمكىندىگى بار»، - دەدى ءماجىلىس دەپۋتاتى ق ر پرەمەر- ءمينيسترى مەن ۇلتتىق بانك ءتوراعاسىنا جولداعان ساۋالىندا.

وسى رەتتە ول ۇلتتىق قوردىڭ قاراجاتىن پايدالانۋدى شەكتەۋگە ءارى ونى جيناقتاۋعا باعىتتالعان ق ر ۇلتتىق قورىنىڭ قاراجاتىن قالىپتاستىرۋ جانە پايدالانۋ تۇجىرىمداماسىنا تۇزەتۋلەر ەنگىزۋدى، بيۋدجەتتىك جانە كۆازيبيۋدجەتتىك ينۆەستيتسيالىق جوبالاردىڭ تيىمدىلىگىنە باعالاۋ جۇرگىزۋدى، ۇكىمەتكە ۇلتتىق بانكپەن بىرلەسىپ، بيزنەس پەن حالىققا 3-4 پايىزدىق مولشەرلەمەمەن بانكتىك كرەديتتەۋ باعدارلاماسىن ازىرلەۋدى ۇسىندى.

«ينفلياتسيانى تەجەگەننەن گورى ەكونوميكانى قارجىلاندىرۋ بارىنشا باسىمدىق سانالادى. ويتكەنى، ۇكىمەت الەۋمەتتىك ماڭىزى بار تاۋارلار باعاسىن رەتتەپ وتىر عوي. ال حالىقتىڭ تابىسى از توپتارى ءۇشىن الەۋمەتتىك تولەمدەر يندەكستەلۋى مۇمكىن. سالىستىرۋ ءۇشىن ايتار بولسا، رەسەي بانك بارىنشا باتىل ارەكەت ەتىپ، باعا ءوسىمىنىڭ بارلىق تاۋەكەلدەرىنە قاراماستان نەگىزگى مولشەرلەمەنى 5,5 پايىزعا دەيىن تومەندەتتى»، - دەدى امانجان جامالوۆ.